Basylym: "Qazaqstan biligi Resei men Ýkraina soǵysynan sabaq aldy. Ýkrainanyń tabandylyqpen qarsylyq kórsetip jatqanyn kórdi. Sol sebepten Qorǵanys salasynyń biýdjetin 441 mlrd teńgege (shamamen $918 mln) kóbeitý týraly sheshim qabyldady.
Qazaqstan gibridti soǵysqa qarsy kúreste neǵurlym mobildi jáne sheber bolý úshin reforma jasaý keregin túsindi.
Oǵan qosa, Nur-Sultan Máskeýmen qarym-qatynastaryn qaita saralap, syrtqy saiasatta AQSh, Túrkiia jáne Qytaimen bailanystaryn kúsheitip jatyr", - deidi.
Qazaqstandyq joǵarǵy laýazymdy bir shendiniń sózin derek retinde keltiripti. Aty-jóni atalmaǵan qazaq shendisi: "Elestetip kórińizdershi, eger Ýkraina bolmasa, kelesi kezekte biz bolar ek",- depti.
"Kremldiń ambitsiiasy Qazaqstandy da alańdatyp otyr. Qazaqstan tezirek bairaktarǵa qol jetkizýge áreket etýde, - deidi basylym.
Oǵan qosa, Qazaqstan Batystyń keibir sanktsiialaryn qoldamaq. Shildeniń basynda QR Qarjy ministrligi Resei men Belarýske sanktsiialyq tizimge engizilgen taýarlardy jetkizýge tyiym salatyn jobany talqyǵa usynǵanyn jazypty.
WSJ basylymynyń atap ótkenindei Qazaqstanda Máskeýdi ashýlandyratyn soǵysqa qarsy narazylyqtarǵa tyiym salynǵan, sondai-aq Reseide nasihattyq nyshanǵa ainalǵan "Z" belgisin jariia etýge de tyiym salynǵan.
AQSh basylymyna pikir bildirgen depýtat Saiasat Nurbek (qazir Ǵylym jáne joǵary bilim ministri, red.) burynǵy Sibir ertegisin mysal etken.
"Ertede aiý men borshatyshqan dos bolypty. Bir kúni aiý borshatyshqannyń arqasynan sipapty, biraq tyrnaǵynyń izi qalypty. Osylaisha borshatyshqannyń arqasynda ala syzyq paida bolypty", - deidi ertegide.
"Bul erteginiń aitary – dosyńyz aiý bolsa, árqashan saq bolýyńyz kerek", - dedi Nurbek myrza.
"Qazaqstannyń Resei aitqan izben júrmeitininiń taǵy bir belgisi baiqaldy. Naýryz aiynda Birikken Ulttar Uiymy Reseidiń basqynshylyq soǵysyn toqtatýǵa shaqyrǵan qarar qabyldady. Álem elderi daýys berdi. Qazaqstan daýys berýden bas tartty. Birneshe kúnnen keiin ol Ýkrainaǵa Boeing 767-men 28 tonna dári-dármek jiberdi, bul Qazaqstannyń Ýkrainaǵa kómek retinde jibergen birneshe reisteriniń biri edi", – dep jazady AQSh basylymy.
https://dalanews.kz/aimak/79868-astanada-700-den-astam-aula-men-qogamdyq
