Halyqaralyq jasyl tehnologiialar jáne investitsiialyq jobalar ortalyǵy (HJTIJO) men Shanhai ǵylymi-tehnikalyq almasý ortalyǵy Aziiadaǵy jasyl tehnologiialar boiynsha iri platformalardyń birine - Green Technology Bank-pen tikelei qarym-qatynasqa jol ashatyn yntymaqtastyq týraly strategiialyq kelisimge qol qoidy, dep habarlaidy Dalanews.kz Ekologiia jáne tabiǵi resýrstar ministrligine silteme jasap.
Kelisim Qazaqstan men Qytai arasyndaǵy ǵylymi-tehnikalyq dialogty nyǵaitýdaǵy mańyzdy qadam boldy jáne respýblika ekonomikasyna ozyq ekologiialyq sheshimderdi jedel engizý úshin keń perspektivalar ashty. Endi qazaqstandyq kásiporyndar, zertteý ortalyqtary men startaptar jańartylatyn energetika, sý resýrstary, qaldyqtardy óńdeý, agroekologiia jáne basqa da baǵyttardaǵy innovatsiialardy qosa alǵanda, Qytaidyń derekter bazasyndaǵy ázirlemelerdi paidalana alady.
Qol jetkizilgen kelisimge sáikes, Shanhai ǵylymi-tehnikalyq almasý ortalyǵy qazaqstandyq tarapty tehnologiialyq derekqorǵa jáne Green Technology Bank saraptamalyq jelisine qoljetimdilikpen qamtamasyz etý jóninde mindetteme aldy. Budan basqa, jyl saiyn qazaqstandyq kompaniialardyń qatysýymen - roadshoýlar, forýmdar men iskerlik missiialardy qosa alǵanda - qytai tarapynan qarjylyq qoldaý kórsetý múmkindigimen birlesken is-sharalardy uiymdastyrý kózdelgen. Taǵy bir jekelegen baǵyt - Qazaqstandaǵy jiyrma basym jasyl jobany júieli baǵalaý jáne súiemeldeý: sarapshylar jumys josparlaryn ázirleýge qatysady jáne tehnologiialardy jergilikti naryqtyń sharttary men talaptaryna beiimdeý boiynsha usynymdar beredi.
HJTIJO Basqarma tóraǵasynyń m.a. Sáken Qalqamanov qol qoiylǵan qujattyń strategiialyq mańyzdylyǵyn atap ótti:
"Qazaqstan jasyl tehnologiialar salasyndaǵy jahandyq kóshbasshylardyń biriniń tájiribesi men sheshimderin tikelei qoldana alady. Bul ekologiialyq innovatsiialardy jedel engizý, investitsiialar tartý jáne tehnologiialyq áriptestikti damytý úshin berik negiz jasaidy. Biz muny elimiz úshin turaqty bolashaqty ilgeriletýdiń strategiialyq quraly retinde qarastyramyz".
Eki tarap qol qoiylǵan kelisimniń "Bir beldeý, bir jol" siiaqty jahandyq bastamalar aiasyndaǵy ekijaqty ózara is-qimyldy kúsheitip qana qoimai, bilim almasý, jańa naryqtar ashý jáne birlesken jobalardy iske qosý arqyly Qazaqstannyń halyqaralyq jasyl kún tártibine kirigýiniń praktikalyq quralyna ainalatynyna senim bildirdi.
