حالىقارالىق جاسىل تەحنولوگييالار جەنە ينۆەستيتسييالىق جوبالار ورتالىعى (حجتيجو) مەن شانحاي عىلىمي-تەحنيكالىق الماسۋ ورتالىعى ازيياداعى جاسىل تەحنولوگييالار بويىنشا ٸرٸ پلاتفورمالاردىڭ بٸرٸنە - Green Technology Bank-پەن تٸكەلەي قارىم-قاتىناسقا جول اشاتىن ىنتىماقتاستىق تۋرالى ستراتەگييالىق كەلٸسٸمگە قول قويدى, دەپ حابارلايدى Dalanews.kz ەكولوگييا جەنە تابيعي رەسۋرستار مينيسترلٸگٸنە سٸلتەمە جاساپ.
كەلٸسٸم قازاقستان مەن قىتاي اراسىنداعى عىلىمي-تەحنيكالىق ديالوگتى نىعايتۋداعى ماڭىزدى قادام بولدى جەنە رەسپۋبليكا ەكونوميكاسىنا وزىق ەكولوگييالىق شەشٸمدەردٸ جەدەل ەنگٸزۋ ٷشٸن كەڭ پەرسپەكتيۆالار اشتى. ەندٸ قازاقستاندىق كەسٸپورىندار, زەرتتەۋ ورتالىقتارى مەن ستارتاپتار جاڭارتىلاتىن ەنەرگەتيكا, سۋ رەسۋرستارى, قالدىقتاردى ٶڭدەۋ, اگروەكولوگييا جەنە باسقا دا باعىتتارداعى يننوۆاتسييالاردى قوسا العاندا, قىتايدىڭ دەرەكتەر بازاسىنداعى ەزٸرلەمەلەردٸ پايدالانا الادى.
قول جەتكٸزٸلگەن كەلٸسٸمگە سەيكەس, شانحاي عىلىمي-تەحنيكالىق الماسۋ ورتالىعى قازاقستاندىق تاراپتى تەحنولوگييالىق دەرەكقورعا جەنە Green Technology Bank ساراپتامالىق جەلٸسٸنە قولجەتٸمدٸلٸكپەن قامتاماسىز ەتۋ جٶنٸندە مٸندەتتەمە الدى. بۇدان باسقا, جىل سايىن قازاقستاندىق كومپانييالاردىڭ قاتىسۋىمەن - روادشوۋلار, فورۋمدار مەن ٸسكەرلٸك ميسسييالاردى قوسا العاندا - قىتاي تاراپىنان قارجىلىق قولداۋ كٶرسەتۋ مٷمكٸندٸگٸمەن بٸرلەسكەن ٸس-شارالاردى ۇيىمداستىرۋ كٶزدەلگەن. تاعى بٸر جەكەلەگەن باعىت - قازاقستانداعى جيىرما باسىم جاسىل جوبانى جٷيەلٸ باعالاۋ جەنە سٷيەمەلدەۋ: ساراپشىلار جۇمىس جوسپارلارىن ەزٸرلەۋگە قاتىسادى جەنە تەحنولوگييالاردى جەرگٸلٸكتٸ نارىقتىڭ شارتتارى مەن تالاپتارىنا بەيٸمدەۋ بويىنشا ۇسىنىمدار بەرەدٸ.
حجتيجو باسقارما تٶراعاسىنىڭ م.ا. سەكەن قالقامانوۆ قول قويىلعان قۇجاتتىڭ ستراتەگييالىق ماڭىزدىلىعىن اتاپ ٶتتٸ:
"قازاقستان جاسىل تەحنولوگييالار سالاسىنداعى جاھاندىق كٶشباسشىلاردىڭ بٸرٸنٸڭ تەجٸريبەسٸ مەن شەشٸمدەرٸن تٸكەلەي قولدانا الادى. بۇل ەكولوگييالىق يننوۆاتسييالاردى جەدەل ەنگٸزۋ, ينۆەستيتسييالار تارتۋ جەنە تەحنولوگييالىق ەرٸپتەستٸكتٸ دامىتۋ ٷشٸن بەرٸك نەگٸز جاسايدى. بٸز مۇنى ەلٸمٸز ٷشٸن تۇراقتى بولاشاقتى ٸلگەرٸلەتۋدٸڭ ستراتەگييالىق قۇرالى رەتٸندە قاراستىرامىز".
ەكٸ تاراپ قول قويىلعان كەلٸسٸمنٸڭ "بٸر بەلدەۋ, بٸر جول" سيياقتى جاھاندىق باستامالار اياسىنداعى ەكٸجاقتى ٶزارا ٸس-قيمىلدى كٷشەيتٸپ قانا قويماي, بٸلٸم الماسۋ, جاڭا نارىقتار اشۋ جەنە بٸرلەسكەن جوبالاردى ٸسكە قوسۋ ارقىلى قازاقستاننىڭ حالىقارالىق جاسىل كٷن تەرتٸبٸنە كٸرٸگۋٸنٸڭ پراكتيكالىق قۇرالىنا اينالاتىنىنا سەنٸم بٸلدٸردٸ.
