Katar astanasy Doha qalasynda qazaqstandyq eksporttaýshylardyń iskerlik missiiasy ótti
Onyń aiasynda B2B kezdesýleri ótti, oǵan Qazaqstan men Katardan aýyl sharýashylyǵy, agroónerkásip, ónerkásip jáne IT-tehnologiialar siiaqty negizgi sektorlardan 30 kompaniia qatysty, dep habarlaidy Dalanews.kz.
Is-sharaǵa qatysýshylar áleýetti seriktestermen jeke kelissózder júrgize aldy, taýarlar men qyzmetterdi ózara almasý múmkindikterin talqylady, sonymen qatar Katar distribiýtorlarymen jáne importtaýshylarymen bailanys ornatyldy.
Sonymen qatar, iskerlik missiia aiasynda QazTrade bas direktorynyń birinshi orynbasary Nurlan Qulbatyrov Qatar Airways ókilderimen kezdesti. Nurlan Qulbatyrov qazaqstandyq eksporttaýshylar úshin tarifterdi ońtailandyrý men tasymaldaý sapasyn arttyrýdyń mańyzdylyǵyn atap ótti, bul eksporttalatyn taýarlardyń assortimentin aitarlyqtai keńeitýge jáne jetkizý geografiiasyn arttyrýǵa múmkindik beredi.
2024 jyldyń qańtar-qyrkúiek ailarynda Qazaqstan men Katar arasyndaǵy taýar ainalymy 6,2 million AQSh dollaryn qurady, bul ekijaqty saýda qatynastarynyń qarqyndy damýyn kórsetedi.
"Negizgi jetistikterge Qazaqstannan Katarǵa qoi eti eksportynyń aitarlyqtai ósýi jatady, ol 75%-ǵa ósti. Bul qazaqstandyq aýyl sharýashylyǵy ónimderine suranystyń joǵary ekendigin kórsetedi jáne eki el arasynda agrarlyq sektordyń mańyzdylyǵyn kórsetedi", delingen QR Saýda jáne integratsiia ministrligi habarlamasynda.
Aita ketsek, Qazaqstan iri qara mal terisi eksporty boiynsha Qytaimen kelissózge otyrǵan bolatyn.
