9 qarashadan bastap Qazaqstan men Ózbekstan shekarasyndaǵy úsh ótkizý beketinde elektrondy kezekti brondaý tártibi ózgeredi. Júk tasymaldaýshylar belgilengen ýaqytqa kezek alý úshin 86,5 myń teńge kóleminde kepildik jarna tóleýge tiis, dep habarlaidy dalanews.kz.
Jańa talap «Qazyǵurt», «B. Qonysbaev» jáne «Atameken» ótkizý beketterinde qoldanysqa engiziledi. Kepildik jarnanyń mólsheri 20 ailyq eseptik kórsetkishke (AEK) teń. Eger júk kóligi brondalǵan ýaqytynda shekaraǵa kelse, tólengen aqsha tolyq qaitarylady.
Alaida 90 kún ishinde júrgizýshi brondalǵan kezekti eki ret ótkizip alsa, kepildik jarna memleket biýdjetine aýdarylady. Jańa erejeniń maqsaty – qoldan kezek qalyptastyrýdy azaityp, júk tasymaldaýshylardyń belgilengen tártipti saqtaýyn qamtamasyz etý.
