Memleket basshysy 6 qarashada Bishkekte ótip jatqan Túrki memleketteri uiymynyń sammitinde taraptardyń Ortalyq bankter keńesin qurý týraly bastamany biraýyzdan quptaǵanyn jetkizdi, dep habarlaidy Dalanews.kz.
Alaida sóz etilip otyrǵan Ortalyq bankter keńesiniń bas keńsesi qaida ornalasady, ol qandai fýnktsiialardy atqarady, bul týraly tolyqqandy málimetter joqtyń qasy.
Sondai-aq sammittegi sózinde Prezident Túrki investitsiialyq qorynyń qyzmetin de sóz etti. Qasym-Jomart Toqaevtyń pikirinshe, qarjy-investitsiia salasyndaǵy yntymaqtastyqty nyǵaitý baǵyttynda Túrki investitsiialyq qory erekshe ról atqaryp keledi.
"Túrki investitsiialyq qory óz qyzmetin tiimdi jalǵastyryp keledi. Muny túrki integratsiiasyn tereńdetýge baǵyttalǵan qadam dep baǵalaimyn. Búgingi sammitke qyrǵyz baýyrlarymyz "Ekonomikalyq integratsiia, turaqty damý, tsifrlyq bolashaq jáne qaýipsizdik" taqyrybyn usynyp otyr. Bul usynys bárimizdiń múddemizge sai keledi. Sońǵy 10 jylda uiym músheleri arasyndaǵy ekonomikalyq bailanystar nyǵaia tústi. Biyl ózara saýda ainalymy 45 milliard dollardan asty. Osy kórsetkishti áli de ulǵaitýǵa bolady. Oǵan múmkindigimiz jetedi", – dedi Qasym-Jomart Toqaev.
Aita ketsek, Túrki memleketteri uiymy quramyna Ázirbaijan, Qazaqstan, Qyrǵyz Respýblikasy, Túrkiia, Ózbekstan enedi. Sondai-aq Majarstan men Túrikmenstan baqylaýshy elder bolyp tabylady.
