Astanada «Atameken» UKP Qazaqstannyń syrtqy saýda palatasy jáne Qazaqstan Respýblikasyndaǵy BeNiLiýks saýda palatasy arasynda Qazaqstan-Niderland Iskerlik keńesin qurý týraly kelisimge qol qoiý rásimi ótti, dep habarlaidy Dalanews.kz.
Jiynda Niderlandy Koroldiginiń Qazaqstan Respýblikasyndaǵy elshisi Niko Shermers Qazaqstan Respýblikasyndaǵy BeNiLiýks saýda palatasynyń prezidenti Denis Van den Veihke eki el arasyndaǵy saýda jáne iskerlik qatynastardy damytýǵa jańa serpin beretin Qazaqstan- Niderland Iskerlik keńesin qurý bastamasy úshin alǵysyn bildirdi.
«Qazaqstannyń syrtqy saýda palatasynyń basqarma tóraǵasy Murat Qarymsaqov «Atameken» Ulttyq kásipkerler palatasy (Qazaqstannyń syrtqy saýda palatasy) jáne Qazaqstannyń iskerlik qoǵamdastyǵynyń atynan elshi Niko Shermers myrzaǵa Qazaqstan-Niderland Iskerlik keńesin qurý týraly kelisimge qol qoiý rásimine jeke kóńil bólgeni úshin alǵysyn bildirdy. Spiker Iskerlik keńes - eki eldiń biznesi arasyndaǵy qurylymdy jáne tiimdi dialog alańy retinde qyzmet etetin konsýltativtik-keńesshi organ ekenin aitty.
«Biz Qazaqstan-Niderland Iskerlik keńesin qurý týraly kelisimge qol qoidyq. Kelisim elderimizdiń arasynda saýda-ekonomikalyq yntymaqtastyq, týrizm, logistikalyq sala salasyndaǵy biznes-yntymaqtastyǵymyzdy damytý, osy negizgi baǵyttar boiynsha kompaniialarymyzdyń belsendi ózara is-qimylyn arttyrý úshin óte jaqsy negiz bolady. Áriptesterimizdi «Atameken» ulttyq palatasy Qazaqstanda qyzmetin júzege asyratyn otandyq jáne sheteldik kompaniialardyń zańdy quqyǵy men múddesin qorǵaýdy árqashan jaqtaitynyn, sondai-aq elderimiz arasyndaǵy kópjaqty saýda-ekonomikalyq jáne investitsiialyq yntymaqtastyqtyń túrli aspektileri boiynsha dialogqa múddeli jáne ashyq ekenin aitqym keledi», - dedi Murat Qarymsaqov.
Spiker Qazaqstanda Niderlandynyń qatysýymen 900 zańdy tulǵa tirkelgenin habarlady. Kásiporyndardyń basym bóligi munai jáne gaz, geologiialyq barlaý, aýyl sharýashylyǵy tehnikasy men jabdyqtaryn jetkizý, farmatsevtika jáne meditsina, halyq tutynatyn taýarlardy óndirý salalaryna tartylǵan.
Qazaqstandaǵy iri gollandiialyq investorlardyń arasynda «RoyalDutchShellh», «AgipCaspianSea BV», «Lukarco B. V.», «FloodgateHolding», «FinturHolding BV», «Witteven+Bos» jáne t. b. kompaniialardy ataýǵa bolady.
Gollandiialyq kompaniialardyń kommertsiialyq kózdeýi Atyraý oblysy jáne Almatyǵa shoǵyrlanǵan. Atyraý óńirinde gollandiialyq kapitaldyń qatysýymen kóptegen kásiporyn jumys isteidi. Gollandiianyń Atyraý óńirindegi eń iri investorlarynyń biri – Shell kompaniiasy. Basqa kompaniialar, mysaly, Van Oord tereńdetý, Witteveen+Boss – jasandy araldar salý, Vagenborg – teńiz kemeleri men qalqymaly qonaqúilerge qyzmet kórsetý bar.
Aýyl sharýashylyǵy da tartymdy sala. Óitkeni Gollandiiada azyq-túlik eksporty boiynsha álemde ekinshi orynda turǵan tiimdiligi joǵary aýyl sharýashylyǵy bar. Sonymen, Aqtóbe qalasynyń janynda gollandiialyq foodventures kompaniiasynyń aýdany 5 ga qyzanaq ósirýge arnalǵan «Green Capital Kazakhstan» JShS jumys istep turǵan jylyjaiy bar. Taǵy 5 ga 2020 jyldyń jeltoqsanynda paidalanýǵa berildi. Jylý da, elektr energiiasy da qaldyq gazdy jaǵý arqyly alynady, bul protsess jylyjai úshin teris CO2 shyǵaryndylaryn týdyrady.
QR BeNiLiýks saýda palatasynyń prezidenti Dennis Van den veih Iskerlik keńes qurý týraly kelisim óte mańyzdy qujat ekenin atap ótti.
«Ol Qazaqstan men Niderland arasyndaǵy burynnan qalyptasqan saýda-investitsiialyq qatynastarǵa jańa serpin beredi. Iskerlik keńes múddeli qazaqstandyq jáne Niderlandtyq kásiporyndardyń turaqty kezdesýleri, yntymaqtastyqtyń áleýetti múmkindikterin talqylaý jáne eki eldiń memlekettik organdarymen ózara tiimdi is-qimyl boiynsha usynystar ázirleý alańyna ainalýǵa arnalǵan.
Kóptegen jyl boiy Niderland úzdik investor jáne EO tarapynan Qazaqstannyń negizgi saýda seriktesi, sondai-aq jańa tehnologiialardyń mańyzdy kózderiniń biri bolyp qala beredi. Biz bul kelisim bizdiń isker toptarymyzǵa jáne elderimizge paida ákeletinine senimdimiz jáne ortaq maqsattarǵa jetý úshin tyǵyz jumys isteýge daiynbyz», - dedi Denis Van den Veih.
QR-daǵy BeNiLiýks saýda palatasynyń prezidenti 2023 jyldyń sońyna qarai ekijaqty taýar ainalymy 4,4 mlrd AQSh dollaryn quraǵanyn aitty. 2005-2023 jyldar aralyǵynda Niderlandtan Qazaqstanǵa tikelei sheteldik investitsiia kólemi 111,7 mlrd AQSh dollaryna jetti.
Aýyl sharýashylyǵy, sý resýrstary jáne infraqurylym, densaýlyq saqtaý, himiia ónerkásibi, jańartylatyn energiia ónerkásip jáne t.b. siiaqty túrli salalardaǵy saýda jáne investitsiialar salasyndaǵy tyǵyz jáne jemisti yntymaqtastyq úshin úlken áleýet bar.
Qazaqstan-Niderland Iskerlik keńesiniń qurylýy eki el ekonomikasynyń damýyna yqpal etedi jáne iskerlik qatynastardy nyǵaitady.
Aita keteiik, Qazaqstan-Niderland Iskerlik keńesiniń birinshi otyrysy maýsym aiynyń ortasynda Astanada, «Astana Halyqaralyq forýmy» aiasynda ótedi.
