Mamyr aiynda Qazaqstan Ulttyq Banki álemdegi eń belsendi altyn satyp alýshylardyń biri boldy. Buǵan World Gold Council (WGC) usynǵan derekter dálel bola alady. Sarapshylardyń baǵalaýy boiynsha, Qazaqstan bir aida altyn qoryn 7,4 tonnaǵa ulǵaitqan, dep habarlaidy Dalanews.kz.
WGC málimetinshe, mamyr aiynda álemdik ortalyq bankter óz rezervteri úshin 20,5 tonna altyn satyp aldy. Bul - sáýir aiynan birshama kóp (15,6 tonna) kólem, biraq ótken jyldaǵy ortasha deńgeiden az (shamamen 27 million tonna).
"Taiaý Shyǵystaǵy qaqtyǵystyń ýshyǵýy óz rezervterin geosaiasi kúizelisterden qorǵaýǵa tyrysatyn ortalyq bankter úshin altynnyń strategiialyq tartymdylyǵyn arttyrǵan bolýy múmkin", – deidi WGC sarapshysy Marissa Salim.
Qazaqstannan keiingi ekinshi orynda Túrkiia tur. Ankara altyn qoryn 6,4 tonnaǵa ulǵaitty. Olardyń izin Polsha (6,2 tonna), Qytai (1,9 tonna), Chehiia (1,6 tonna), Qyrǵyzstan (1,3 tonna) jáne Kambodja (1 tonna) elderi basady.
Sonymen qatar, Singapýrdyń Ortalyq banki (-5,4 tonna), kerisinshe altyn satýdan kóshbasshylyq etedi. Odan keiin Ózbekstan men Germaniia Ortalyq bankteri ornalasqan, olar rezervterin 1 tonnaǵa azaitty. WGC saýalnamasyna sáikes, ár túrli ortalyq bank ókilderiniń 43%-y aldaǵy jyly óz elderi altyn satyp alýdy josparlap otyrǵanyn aitqan.
