"QazAvtoJol" UK" AQ "Aqtóbe – Mártók – RF shekarasy (Orynborǵa)" tas jolynyń ýchaskesinde oryn alǵan jaǵdaiǵa qatysty resmi aqparat taratty. Buǵan deiin keibir BAQ-ta "Jaisan" ótkizý pýnktinde jol-qurylys jumystaryna bailanysty aýyr júk kólikteriniń keptelisi paida bolǵany aitylǵan, dep habarlaidy Dalanews.kz.
"Aqtóbe – Mártók – RF shekarasy (Orynborǵa)" tas jolynyń jalpy uzyndyǵy 92 shaqyrymdy quraidy. 2025 jylǵy 22 mamyrdan bastap atalmysh joldyń 54-84 jáne 95-99 shaqyrym aralyǵyndaǵy ýchaskelerinde (jalpy 34 shaqyrym) ortasha jóndeý jumystary bastaldy. 2025 jylǵy 3 maýsymdaǵy jaǵdai boiynsha 3,5 shaqyrymda tómengi qabat asfaltbeton jabyny tóseldi. Atap ótý kerek, jóndeý jumystary bastalǵaly beri (13 kún boiy) jol-qurylys jumystaryna bailanysty bul ýchaskede kólik keptelisi tirkelmegen. Bekitilgen orderge sáikes jóndeý jumystary júrgizilip jatqan ýchaskede jáne 96-98 shaqyrymdaǵy ainalma jolda qozǵalys shtattyq rejimde júrgizilip jatyr. Qozǵalysqa kedergi joq", delingen ulttyq tasymal operator túsiniktemesinde.
"Jaisan" ótkizý pýnktiniń aldynda 1 shaqyrymdy qamtityn eki qabat jol salý jumystary ǵana qalǵany da naqtylanady.
"Bul rette kólik qozǵalysy keptelis týdyrmaityndai túrde júzege asyrylýda. Osylaisha, júrgizilip jatqan jóndeý jumystary shekarada kólikterdiń jinalýyna nemese keptelistiń paida bolýyna sebep emes", delingen resmi habarlamada.
Iaǵni, ulttyq kompaniianyń aitýynsha, shekaradaǵy kólik keptilesine jol jóndeý jumystarynyń esh qatysy joq kórinedi.
