"قازاۆتوجول" ۇك" اق "اقتوبە – مارتوك – رف شەكاراسى (ورىنبورعا)" تاس جولىنىڭ ۋچاسكەسىندە ورىن العان جاعدايعا قاتىستى رەسمي اقپارات تاراتتى. بۇعان دەيىن كەيبىر باق-تا "جايسان" وتكىزۋ پۋنكتىندە جول-قۇرىلىس جۇمىستارىنا بايلانىستى اۋىر جۇك كولىكتەرىنىڭ كەپتەلىسى پايدا بولعانى ايتىلعان، دەپ حابارلايدى Dalanews.kz.
"اقتوبە – مارتوك – رف شەكاراسى (ورىنبورعا)" تاس جولىنىڭ جالپى ۇزىندىعى 92 شاقىرىمدى قۇرايدى. 2025 جىلعى 22 مامىردان باستاپ اتالمىش جولدىڭ 54-84 جانە 95-99 شاقىرىم ارالىعىنداعى ۋچاسكەلەرىندە (جالپى 34 شاقىرىم) ورتاشا جوندەۋ جۇمىستارى باستالدى. 2025 جىلعى 3 ماۋسىمداعى جاعداي بويىنشا 3،5 شاقىرىمدا تومەنگى قابات اسفالتبەتون جابىنى توسەلدى. اتاپ ءوتۋ كەرەك، جوندەۋ جۇمىستارى باستالعالى بەرى (13 كۇن بويى) جول-قۇرىلىس جۇمىستارىنا بايلانىستى بۇل ۋچاسكەدە كولىك كەپتەلىسى تىركەلمەگەن. بەكىتىلگەن وردەرگە سايكەس جوندەۋ جۇمىستارى جۇرگىزىلىپ جاتقان ۋچاسكەدە جانە 96-98 شاقىرىمداعى اينالما جولدا قوزعالىس شتاتتىق رەجيمدە جۇرگىزىلىپ جاتىر. قوزعالىسقا كەدەرگى جوق"، دەلىنگەن ۇلتتىق تاسىمال وپەراتور تۇسىنىكتەمەسىندە.
"جايسان" وتكىزۋ پۋنكتىنىڭ الدىندا 1 شاقىرىمدى قامتيتىن ەكى قابات جول سالۋ جۇمىستارى عانا قالعانى دا ناقتىلانادى.
"بۇل رەتتە كولىك قوزعالىسى كەپتەلىس تۋدىرمايتىنداي تۇردە جۇزەگە اسىرىلۋدا. وسىلايشا، جۇرگىزىلىپ جاتقان جوندەۋ جۇمىستارى شەكارادا كولىكتەردىڭ جينالۋىنا نەمەسە كەپتەلىستىڭ پايدا بولۋىنا سەبەپ ەمەس"، دەلىنگەن رەسمي حابارلامادا.
ياعني، ۇلتتىق كومپانيانىڭ ايتۋىنشا، شەكاراداعى كولىك كەپتىلەسىنە جول جوندەۋ جۇمىستارىنىڭ ەش قاتىسى جوق كورىنەدى.
