Jańa jahandyq tártip jaǵdaiynda strategiialyq áriptestikti tereńdetý týraly Qazaqstan Respýblikasy prezidenti Qasym-Jomart Toqaev pen Resei Federatsiiasy prezidenti Vladimir Pýtin birlesken málimdeme jasady, dep habarlaidy Dalanews.kz.
Kúni keshe Qazaqstan Respýblikasynyń Prezidenti Q.K. Toqaevtyń shaqyrýymen Resei Federatsiiasynyń Prezidenti V.V. Pýtinniń Qazaqstan Respýblikasyna memlekettik sapary ótti.
Memleketterdiń basshylary dástúrli túrde Qazaqstan-Resei qarym-qatynastaryna tán ózara tolyq túsinistik, ashyqtyq pen senim jaǵdaiynda, ekijaqty yntymaqtastyqtyń barlyq kesheni boiynsha jemisti kelissózder júrgizdi, ózekti halyqaralyq jáne óńirlik taqyryptar boiynsha pikir almasty, ekijaqty ózara is-qimyldy odan ári tereńdetýdiń perspektivalaryn qarastyrdy.
Memleketterdiń basshylary 1992 jylǵy 25 mamyrdaǵy Qazaqstan Respýblikasy men Resei Federatsiiasy arasyndaǵy dostyq, yntymaqtastyq jáne ózara kómek týraly sharttyń, 1998 jylǵy 6 shildedegi Qazaqstan Respýblikasy men Resei Federatsiiasy arasyndaǵy XXI ǵasyrǵa baǵdarlanǵan máńgilik dostyq pen odaqtastyq týraly deklaratsiianyń, sondai-aq 2013 jylǵy 11 qarashadaǵy Qazaqstan Respýblikasy men Resei Federatsiiasy arasyndaǵy HHI ǵasyrdaǵy tatý kórshilik pen odaqtastyq týraly sharttyń erejelerine degen ainymas adaldyǵyn rastady.
Memleketterdiń basshylary saiasi, saýda-ekonomikalyq jáne áleýmettik-gýmanitarlyq baǵyttarda dáiekti túrde nyǵaiyp kele jatqan Qazaqstan Respýblikasy men Resei Federatsiiasynyń odaqtastyq qarym-qatynastarynyń ornyqtylyǵyn atap kórsetip, eki eldiń egemendigin, táýelsizdigi men aýmaqtyq tutastyǵyn ózara qurmetteý negizinde memleketaralyq dialogty damytýǵa ýaǵdalasty.
Memleket basshylary Qazaqstan men Reseidiń ishki saiasi turaqtylyǵyna nuqsan keltirý, egemendigi men aýmaqtyq tutastyǵyn buzý áreketterine qarsy bola otyryp, Qazaqstan men Resei bir-birine qoldaý kórsetýin jalǵastyratynyn atap ótti, – delingen Aqorda habarlamasynda.
Resei Federatsiiasy prezidentiniń Qazaqstanǵa memlekettik saparynyń qorytyndylaryn joǵary baǵalai otyryp, ótkizilgen kelissózderdiń nátijeliligin jáne olardyń eki el halyqtary úshin uzaq merzimdi oń nátijege baǵyttalǵanyn atap ótip, Ýfa qalasynda (Resei Federatsiiasy) ótken Qazaqstan Respýblikasy men Resei Federatsiiasynyń óńiraralyq yntymaqtastyǵynyń HH forýmynyń jáne aldaǵy ýaqyttaǵy Aqtaý qalasynda (Qazaqstan Respýblikasy) Resei Federatsiiasynyń Bas konsýldyǵynyń ashylýynyń mańyzdylyǵyn moiyndai otyryp, Qazaqstan Respýblikasynyń prezidenti Qasym-Jomart Toqaev jáne Resei Federatsiiasynyń prezidenti Vladimir Pýtin úsh úlken taraýdan (Saiasi dialog, Ekonomikalyq yntymaqtastyq, Mádeni-gýmanitralyq bailanystar) turatyn birlesken málimdeme jasady.
Qazaqstan Respýblikasynyń Prezidenti Q.K. Toqaev jáne Resei Federatsiiasynyń Prezidenti V.V. Pýtin málimdemesimen Aqorda saitynan tolyq tanysa alasyzdar.
