Qytaıda Global Digital Trade Expo aıasynda otandyq kompanıalar Qazaqstanda sıfrlyq sheshimderdi damytý jáne startaptardy basqa elderge jyljytý maqsatynda birqatar memorandýmdarǵa qol qoıdy, dep habarlaıdy Dalanews.kz.
Birinshi memorandým Qazaqstan-Qytaıdyń birlesken qurylys jáne basqarý salasyndaǵy jan-jaqty strategıalyq yntymaqtastyq jobasy - "Kóljat aqyldy portynyń" qurylysyna qatysty, dep naqtylaıdy QR SDIAÓM baspasóz qyzmeti.
Sapar aıasynda Hangzhou Zhenxin Digital Technology Co., Ltd. men Qazaqstandaǵy enshiles kompanıasynyń ókili, Hangzhou Electric Power Construction Equity Investment Co., Ltd. jáne "Kazakhstan-China Project Cooperation Consulting limited" kompanıalary men TOO "Aitu – Platejnye reshenıa" (BTS Digital kompanıalar tobyna kiredi) arasynda ózara túsinistik týraly memorandýmǵa qol qoıyldy.
Qytaı-Qazaqstan tólemderin damytý men qaýipsizdigin qamtamasyz etý ıntegrasıasy ıýán - teńge negizinde tólem júıesiniń qurylýyn jedeldetip, ıýán-teńgedegi tólemder men klırıńtik júıelerdiń turaqtylyǵyn arttyrady,sonymen qatar tólem salasyndaǵy táýekelder men jasyryn qaýipterdi joıýǵa kómektesedi. Iýán-teńge shekaralyq tólem júıesin qurý men jyljytýǵa járdemdesý, álemdik ekonomıka men saýdaǵa yńǵaıly, qaýipsiz jáne tıimdi tólem qyzmetterin usyný, sondaı-aq tólemder, elektrondyq komersıa salasyndaǵy jahandyq basqarýda mańyzdy jáne konstrýktıvti ról atqarý, delingen Sıfrlyq damý mınıstrliginiń 27 qyrkúıekte taratqan habarlamasynda.
Sonymen qatar, qazaqstandyq startap GrowthVision Pro Ltd. Hanchjoýdaǵy Ortalyq Azıa ınovasıalyq yntymaqtastyq ortalyǵymen ózara túsinistik týraly memorandýmǵa qol qoıdy.
Onyń aıasynda Qazaqstan men Ortalyq Azıa elderinen startaptardy damytý úshin Qytaıda halyqaralyq hab qurylatyn bolady, bul hab oqytý resýrstary, salalyq tájirıbe men baılanystar jelisi, ınvestısıa tartý, startaptardy masshtabtaý jáne Qytaı naryǵyna shyǵý boıynsha qoldaý kórsetedi.
Sonymen qatar, qytaı startaptary Ortalyq Azıa naryǵyna shyǵý úshin osyndaı qoldaýdy alady. Hab jasandy ıntellekt, sıfrlyq ekonomıka, jasyl tehnologıalar, agrotehnologıalar jáne basqa da salalarǵa nazar aýdarady.
Hab startaptarǵa Qytaı naryǵyna beıimdelýge, jergilikti seriktester men ınvestorlardy tartýǵa kómektesetin bilim berý baǵdarlamalaryn, semınarlar men trenıńter ótkizedi. Tehnologıalardy berý, normatıvtik-quqyqtyq súıemeldeý jáne Qytaı naryǵyna shyǵý máselelerine úlken nazar aýdarylady.
Qazirgi ýaqytta Growth Vision Pro jáne Taovation habtyń operasıalyq modelin birlesip ázirleýde, onyń ornalasatyn qalasyn tańdap, tehnoparkter, ýnıversıtetter, iri bıznes ıeleri, akseleratorlar jáne venchýrlyq qorlar sıaqty negizgi múddeli taraptarmen seriktestik múmkindikterin anyqtap jatyr.
Yntymaqtastyqtyń maqsaty - Qazaqstanǵa, Ortalyq Eýrazıa men Qytaıǵa nazar aýdara otyryp startaptardy ilgeriletý jáne sıfrlyq transformasıa salasynda kásipkerlikti damytý.
