قىتايدا Global Digital Trade Expo اياسىندا وتاندىق كومپانيالار قازاقستاندا سيفرلىق شەشىمدەردى دامىتۋ جانە ستارتاپتاردى باسقا ەلدەرگە جىلجىتۋ ماقساتىندا ءبىرقاتار مەموراندۋمدارعا قول قويدى، دەپ حابارلايدى Dalanews.kz.
ءبىرىنشى مەموراندۋم قازاقستان-قىتايدىڭ بىرلەسكەن قۇرىلىس جانە باسقارۋ سالاسىنداعى جان-جاقتى ستراتەگيالىق ىنتىماقتاستىق جوباسى - "كولجات اقىلدى پورتىنىڭ" قۇرىلىسىنا قاتىستى، دەپ ناقتىلايدى ق ر ءسدياوم باسپا ءسوز قىزمەتى.
ساپار اياسىندا Hangzhou Zhenxin Digital Technology Co.، Ltd. مەن قازاقستانداعى ەنشىلەس كومپانياسىنىڭ وكىلى، Hangzhou Electric Power Construction Equity Investment Co.، Ltd. جانە "Kazakhstan-China Project Cooperation Consulting limited" كومپانيالارى مەن توو "Aitu – پلاتەجنىە رەشەنيا" (BTS Digital كومپانيالار توبىنا كىرەدى) اراسىندا ءوزارا تۇسىنىستىك تۋرالى مەموراندۋمعا قول قويىلدى.
قىتاي-قازاقستان تولەمدەرىن دامىتۋ مەن قاۋىپسىزدىگىن قامتاماسىز ەتۋ ينتەگراسياسى يۋان - تەڭگە نەگىزىندە تولەم جۇيەسىنىڭ قۇرىلۋىن جەدەلدەتىپ، يۋان-تەڭگەدەگى تولەمدەر مەن كليرينگتىك جۇيەلەردىڭ تۇراقتىلىعىن ارتتىرادى،سونىمەن قاتار تولەم سالاسىنداعى تاۋەكەلدەر مەن جاسىرىن قاۋىپتەردى جويۋعا كومەكتەسەدى. يۋان-تەڭگە شەكارالىق تولەم جۇيەسىن قۇرۋ مەن جىلجىتۋعا جاردەمدەسۋ، الەمدىك ەكونوميكا مەن ساۋداعا ىڭعايلى، ءقاۋىپسىز جانە ءتيىمدى تولەم قىزمەتتەرىن ۇسىنۋ، سونداي-اق تولەمدەر، ەلەكتروندىق كوممەرسيا سالاسىنداعى جاھاندىق باسقارۋدا ماڭىزدى جانە كونسترۋكتيۆتى ءرول اتقارۋ، دەلىنگەن سيفرلىق دامۋ مينيسترلىگىنىڭ 27 قىركۇيەكتە تاراتقان حابارلاماسىندا.
سونىمەن قاتار، قازاقستاندىق ستارتاپ GrowthVision Pro Ltd. حانچجوۋداعى ورتالىق ازيا يننوۆاسيالىق ىنتىماقتاستىق ورتالىعىمەن ءوزارا تۇسىنىستىك تۋرالى مەموراندۋمعا قول قويدى.
ونىڭ اياسىندا قازاقستان مەن ورتالىق ازيا ەلدەرىنەن ستارتاپتاردى دامىتۋ ءۇشىن قىتايدا حالىقارالىق حاب قۇرىلاتىن بولادى، بۇل حاب وقىتۋ رەسۋرستارى، سالالىق تاجىريبە مەن بايلانىستار جەلىسى، ينۆەستيسيا تارتۋ، ستارتاپتاردى ماسشتابتاۋ جانە جۇڭگو نارىعىنا شىعۋ بويىنشا قولداۋ كورسەتەدى.
سونىمەن قاتار، جۇڭگو ستارتاپتارى ورتالىق ازيا نارىعىنا شىعۋ ءۇشىن وسىنداي قولداۋدى الادى. حاب جاساندى ينتەللەكت، سيفرلىق ەكونوميكا، جاسىل تەحنولوگيالار، اگروتەحنولوگيالار جانە باسقا دا سالالارعا نازار اۋدارادى.
حاب ستارتاپتارعا جۇڭگو نارىعىنا بەيىمدەلۋگە، جەرگىلىكتى سەرىكتەستەر مەن ينۆەستورلاردى تارتۋعا كومەكتەسەتىن ءبىلىم بەرۋ باعدارلامالارىن، سەمينارلار مەن ترەنينگتەر وتكىزەدى. تەحنولوگيالاردى بەرۋ، نورماتيۆتىك-قۇقىقتىق سۇيەمەلدەۋ جانە جۇڭگو نارىعىنا شىعۋ ماسەلەلەرىنە ۇلكەن نازار اۋدارىلادى.
قازىرگى ۋاقىتتا Growth Vision Pro جانە Taovation حابتىڭ وپەراسيالىق مودەلىن بىرلەسىپ ازىرلەۋدە، ونىڭ ورنالاساتىن قالاسىن تاڭداپ، تەحنوپاركتەر، ۋنيۆەرسيتەتتەر، ءىرى بيزنەس يەلەرى، اكسەلەراتورلار جانە ۆەنچۋرلىق قورلار سياقتى نەگىزگى مۇددەلى تاراپتارمەن سەرىكتەستىك مۇمكىندىكتەرىن انىقتاپ جاتىر.
ىنتىماقتاستىقتىڭ ماقساتى - قازاقستانعا، ورتالىق ەۋرازيا مەن قىتايعا نازار اۋدارا وتىرىپ ستارتاپتاردى ىلگەرىلەتۋ جانە سيفرلىق ترانسفورماسيا سالاسىندا كاسىپكەرلىكتى دامىتۋ.
