Astanada Qazaqstan Respýblikasy Parlamenti Májilisiniń Tóraǵasy Erlan Qoshanov Mońǵoliianyń Uly Memlekettik Hýralynyń Tóraǵasy Dashzegviin Amarbaiasgalantpen kezdesti. Ekijaqty kezdesýge Shyǵys Qazaqstan oblysynyń ákimi Nurymbet Saqtaǵanov ta qatysty,- dep habarlaidy Dalanews.kz
Resmi sapar aiasynda Shyǵys Qazaqstan oblysy men Mońǵoliianyń Hovd aimaǵy arasynda baýyrlastyq qatynastar ornatý jónindegi memorandýmǵa qol qoiyldy.
Atalǵan qujat áleýmettik-ekonomikalyq, mádeni, gýmanitarlyq jáne basqa da salalardaǵy yntymaqtastyqty damytýǵa baǵyttalǵan. Sondai-aq óńiraralyq ózara is-qimyldy keńeitýge jańa múmkindikter ashady.
«Memorandýmǵa qol qoiý óńirlerimiz arasyndaǵy yntymaqtastyqqa jańa serpin berip, qazaq-mońǵol qatynastaryn nyǵaitýǵa yqpal etedi», – dep atap ótti Shyǵys Qazaqstan oblysynyń ákimi Nurymbet Saqtaǵanov.
Uly Memlekettik Hýraldyń Tóraǵasynyń aitýynsha, Qazaqstan Mońǵoliia úshin Ortalyq Aziiadaǵy birinshi strategiialyq áriptes sanalady. Ekonomikalyq-saiasi, mádeni-gýmanitarlyq jáne basqa da salalardaǵy ózara árekettestikti damytý basty basymdyq retinde qala beredi.
Jalpy, eki el arasyndaǵy qarym-qatynas qarqyndy damyp keledi. Ásirese, ótken jyly Prezident Qasym-Jomart Toqaevtyń Mońǵoliiaǵa jasaǵan memlekettik sapary jemisti boldy. Sapar barysynda ártúrli salada 11 qujatqa qol qoiyldy.
