Grýziia premer-ministri Iraklii Kobahidzeniń Astanaǵa sapary barysynda Qazaqstan men Grýziia strategiialyq seriktestik týraly birlesken málimdemege qol qoiady, dep habarlaidy dalanews.kz.
Bul týraly Grýziia syrtqy ister ministri Maka Bochorishvili Facebook paraqshasynda málimdedi.
Ministrdiń aitýynsha, bul qujat eki el arasyndaǵy kóp jyldan beri qalyptasqan tyǵyz yntymaqtastyqtyń zańdy jalǵasy bolmaq. Sonymen qatar, ol Qazaqstan men Grýziia arasyndaǵy qarym-qatynasty jańa deńgeige kóterýge múmkindik bermek.
"Búgin premer-ministrdiń Qazaqstanǵa sapary aiasynda strategiialyq seriktestik týraly birlesken málimdemege qol qoiylady. Bul eki el arasyndaǵy kóp jyl boiy jalǵasyp kele jatqan tyǵyz yntymaqtastyqtyń zańdy jalǵasy bolyp, qarym-qatynasymyzdy jańa deńgeige shyǵarady", - dep jazdy Maka Bochorishvili.
Aita keteiik, keiingi jyldary Grýziia men Qazaqstan arasyndaǵy bailanys nyǵaiyp keledi. Eki el saýda-ekonomikalyq jáne kólik-tranzit salalaryndaǵy yntymaqtastyqty damytýǵa múddeli.
