Memleket basshysy Qasym-Jomart Toqaevtyń Frantsiiaǵa memlekettik sapary qarsańynda Parijde Qazaqstan Respýblikasynyń Mádeniet jáne aqparat ministri Aida Balaeva Frantsiianyń mádeniet ministri Rashida Datimen kezdesti. Kezdesýde Qazaqstan men Frantsiia arasyndaǵy mádeni yntymaqtastyqty keńeitý perspektivalary talqylandy, – dep habarlaidy Dalanews.kz QR Mádeniet jáne aqparat ministrliginiń baspasóz qyzmetine silteme jasap
Ministrler mádeni qarym-qatynastardaǵy eleýli ilgerileýdi atap ótip, eki el prezidentteriniń ózara saparlarynyń birlesken bastamalarǵa jańa serpin beretinin aitty.
Kezdesý barysynda taraptar mýzeiler jáne mádeni mura salasyndaǵy yntymaqtastyq nieti týraly deklaratsiiasyn, sondai-aq Qazaqstan Respýblikasynyń Ulttyq mýzeii men Gime mýzeii arasyndaǵy ózara túsinistik týraly memorandýmdy qosa alǵanda, birqatar kelisimderge qol qoidy.
– Qazaqtyń tarihi jáne mádeni murasyn jahandyq gýmanitarlyq keńistikke nasihattaý jáne integratsiialaý – memlekettiń mádeni saiasatyndaǵy basymdyqtardyń biri, – dedi Aida Balaeva.
Sondai-aq, ǵylymi-zertteý salasyndaǵy yntymaqtastyqty kúsheitý jáne «Courants du Monde» baǵdarlamasy aiasynda qazaqstandyq mamandarǵa arnalǵan taǵylymdamalar uiymdastyrý usynyldy.
– Prezident Toqaevtyń Frantsiiaǵa bul memlekettik sapary mádenietke qatysty kóptegen máselelerdi qamtitynyna qýanyshtymyn. Búgin biz birneshe memorandýmǵa qol qoiamyz. Bul aradaǵy tyǵyz yntymaqtastyqty kórsetedi. Sonymen qatar, Gime mýzeiinde Qazaqstannyń ulttyq kórmesiniń uiymdastyrylýy – bizdiń qarym-qatynastarymyzdyń naqtylyǵy men tiimdiliginiń dáleli, – dedi Frantsiianyń mádeniet ministri Rashida Dati.
Aida Balaeva arada jasalǵan kelisimder mádeni bailanystardyń odan ári tereńdei túsýine yqpal etip, Qazaqstan men Frantsiia arasyndaǵy qarym-qatynastardy nyǵaitatyn jańa birlesken jobalarǵa negiz bolatynyna senim bildirdi.
– Biz kinoóndiris salasy, qazirgi zamanǵy qazaq ádebietin Frantsiiada jáne kerisinshe frantsýz ádebietin bizde tanystyrý, kontserttik uiymdardyń ózara is-qimyly jáne balalar kontentine qatysty birlesken mádeni is-sharalar ótkizý múmkindikterin qarastyrýymyzǵa bolady, – dedi A. Balaeva.
Sondai-aq, mýzei saraptamasy boiynsha tájiribe almasý, tarihi murany saqtaý jáne mýzei isine jańa tehnologiialardy engizý máseleleri talqylandy.
Eki eldiń ministrleri kreativti indýstriia, onyń ishinde, sán salasyndaǵy yntymaqtastyqqa qyzyǵýshylyq tanytty. Aida Balaeva etnikalyq sánge jáne onyń álemdik deńgeidegi kórsetilimine nazar aýdarýdy usyndy.
