Keiingi jyldary qazaqstandyq medianaryqta Ońtústik Koreia, Túrkiia kontenti basymdyqqa ie edi. Al sońǵy ýaqytta bul qatarǵa Ózbekstan qosyldy. Munyń bir dáleli – taiaýda Máskeýde ótken Saida Mirzieevanyń sapary aiasynda jaryq kórgen "Missiia" derekti jobasynyń jańa shyǵarylymy, dep habarlaidy Dalanews.kz.
Bul jobada kóterilgen taqyryptar tek Ózbekstan men Reseige emes, búkil aimaq elderine, sonyń ishinde Qazaqstanǵa da qatysty. Baǵdarlama mádeniet, bilim, media salasyn qamti otyryp, kórshi halyqtardyń bir-birimen gýmanitarlyq bailanysyn arttyrýǵa erekshe mán bergen.
Mirzieeva Máskeýde Resei Prezidenti ákimshiliginiń ókilderimen kezdesip, tsifrlyq qaýipsizdik, jalǵan aqparatpen kúres, birlesken media-jobalar men jastardyń bastamalary týraly sóz qozǵady. Bul máseleler Qazaqstan úshin de ózekti.
"Missiia" jobasy kórshiles elderdiń qarym-qatynasyn, mádeni bailanysyn eshqandai pafossyz, qarapaiym ári shynaiy jetkizýimen erekshelenip otyr. Saida Mirzieeva bul jobada sheneýnik retinde emes, eki el arasyndaǵy dialogtyń dánekeri retinde kórinedi.
Qazaqstandyq aýditoriia úshin de bul tásil jaqsy tanys ári túsinikti. Sebebi Qazaqstanda da mediasferany damytý men mádeni bailanysty arttyrý mańyzdy sanalady. Ózbekstan qazir aqparattyq salada kontent eksporttaýshy elge ainalyp keledi. Bul – medianaryqtaǵy jańa trendtiń kórinisi.
Qazaqstanda ózbek tilindegi mediakontentti tutynýshylar kóbeigen. Áleýmettik jelilerde ózbek filmderi men serialdary qazaqstandyq kórermen arasynda buryn-sońdy bolmaǵan tanymaldyqqa ie. Tipti, TikTok, Instagram siiaqty platformalarda ózbek ánderi men serialdarynan úzindiler milliondaǵan qaralym jinap jatyr.
"Missiia" jobasy da Qazaqstandaǵy kórermenge baǵyttalǵan. Baǵdarlama mádeniet, bilim jáne media salalarynda yntymaqtastyqty nyǵaitýǵa yqpal etip, jastardy jańa bastamalarǵa shabyttandyrady.
Qazaqstannyń medianaryǵynda mádeni-gýmanitarlyq kontenttiń artqany anyq baiqalady. Bul úrdis Qazaqstan men Ózbekstan arasyndaǵy qarym-qatynastyń tek resmi deńgeide emes, halyqtar arasynda da jaqyndap kele jatqanyn kórsetedi.
