2024 jyldyń qarashasyndaǵy málimetke sáikes, Ulttyq qorda $60,7 mlrd bar ekeni belgili boldy, dep habarlaidy Dalanews.kz.
Buzyq telegram-arnasy Qazaqstannyń qarjy ahýalyn zerttep, elde qansha aqsha bar ekenin jáne álemge qansha qaryz ekenin anyqtady. Zertteýge Ulttyq banktiń mamandary Murat Erkináliev pen Zabira Kamaldinova atsalysqan.
Derekkóz málimetinshe, Ulttyq qordaǵy eń joǵary soma 2014 jyly tirkelgen. Ol kezde $77,2 mlrd jinaqtalǵan eken.
“2024 jyldyń qarashasyndaǵy jaǵdai boiynsha Ulttyq qorda $60,7 mlrd saqtalǵan. Bul – keiingi urpaqqa qalatyn mura. Sońǵy 10 jylda Ulttyq qordaǵy qarjy $16,5 mlrd-qa azaiǵan. Biyl Ulttyq qordan biýdjet qajettilikterine ₸5,6 trln ($11,2 mlrd) bólingenimen, qaitarylǵan qarjy aitarlyqtai az. Bul másele depýtattar talqylaýyna túsken. Degenmen Qazaqstanǵa qaryz elder de bar”, — deidi derekkóz.
Memlekettik qaryzdyń qazirgi jaǵdaiy
Qazaqstannyń syrtqy memlekettik qaryzy $12,9 mlrd-qa jetken.
“Memlekettik qaryz syrtqy jáne ishki bolyp ekige bólinedi. Ishki qaryz – memlekettiń qazaqstandyqtarǵa bereshegi. Al syrtqy qaryz – sheteldik nesie berýshiler aldyndaǵy mindettemeleri. Qazirgi syrtqy memlekettik qaryz kólemi – $12,9 mlrd. Qazaqstan qaryzdyń basym bóligin Ulybritaniia, Liýksembýrg, Resei jáne halyqaralyq uiymdardan alǵan. Alaida basqa memleketter de bizge qaryz. Ári olardyń qaryzy bizdiń qaryzymyzdan áldeqaida kóp”, — deidi olar.
Aitýlarynsha, Qazaqstannyń syrtqy aktivteri kem degende $98,5 mlrd-qa teń. Bul eldiń halyqaralyq qarjylyq mindettemelerin ótei alatynyn kórsetedi.
“Al endi jalpy syrtqy qaryzǵa kelsek, onyń kólemi – $166,6 mlrd. Biraq munda memlekettik qaryzdan bólek, bankterdiń, jeke kompaniialardyń jáne basqa uiymdardyń qaryzdary kiredi”, — dedi olar.
