Qazaqstan Respýblikasynyń Energetika ministrligi Kaspii qubyr konsortsiýmynyń teńiz terminalynda bolǵan oqiǵaǵa qatysty málimdeme jasady, dep habarlaidy dalanews.kz.
Qolda bar aqparatqa sáikes, 19 shildeden 20 shildege qaraǵan túni Kaspii qubyr konsortsiýmynyń teńiz terminalynda munai tieý jumystaryn júrgizip jatqan «NELSA» tankerine ushqyshsyz ushý apparatynan shabýyl jasalǵan.
Saldarynan órt shyqqan, degenmen ol jedel túrde sóndirildi. Zardap shekkender joq, munaidyń tógilýine jol berilmedi. Qazirgi ýaqytta kemeniń tehnikalyq jai-kúii men oqiǵanyń saldaryna baǵalaý júrgizilip jatyr.
Qazaqstan Respýblikasynyń Energetika ministrligi Kaspii qubyr konsortsiýmymen turaqty bailanysta.
