Halyqaralyq saiasatta Syrtqy ister ministrliginiń qysqa málimdemesimen nemesequrǵaq press-relizben túsindirý múmkin emes sheshimder bolady. Mundai qadamdar tereńkonteksti, ózara bailanystardy jan-jaqty bilýdi jáne eń bastysy – iri geosaiasiúderisterdiń logikasyn túsinýdi talap etedi.
Qazaqstan Prezidentiniń Avraam kelisimderine qosylý týraly sheshimi dál osyndaimańyzdy ári kúrdeli qadamdardyń qataryna jatady.
Qazaqstan TMD elderi arasynda ǵana emes, Eýropa, Latyn Amerikasy men Afrika qurlyqtarynda da bul bastamaǵa qosylǵan jalǵyz memleket atandy. Bul – halyqaralyqtájiribede buryn-sońdy bolmaǵan jaǵdai.
Prezidenttiń ózi Ulttyq quryltai otyrysynda atap ótkendei, bul onyń jekeqabyldaǵan sheshimi. Mundai sheshim salalyq vedomstvolardyń nemese el ishindegi jaqynkeńesshilerdiń usynymyna qaramastan qabyldanǵan bolýy ábden múmkin. Sonymen qatar, syrtqy saiasatta mańyzdy qadamdar aldynda odaqtastarmen jáne strategiialyqáriptestermen keńesý qalypty tájiribe ekenin eskersek, bul sheshim birqatar yqpaldyelder basshylarynyń ustanymyna da qaishy kelgen bolýy yqtimal.
Saiasi psihologiia turǵysynan alǵanda, bul – sirek kezdesetin jaǵdai. Jahandyqdeńgeide túsinbeýshilik pen qarsylyq basym kezeńde Izraildi jáne Donald Tramptyńbastamasyn qoldaý – ústem bolyp turǵan trendke qarsy shyǵýmen teń edi.
Alaida álemdik saiasatta dál osyndai qadamdar kóbine uzaqmerzimdi investitsiiaǵaainalady. Bul – reiting pen qol shapalaqtaýǵa emes, memlekettiń ekonomikasy, qaýipsizdigi men halyqaralyq salmaǵyna salynǵan investitsiia.
Árbir saiasatkerdiń ómirinde qoǵamdyq pikirge de, álem elderiniń basym kópshiliginińustanymyna da sai kelmeitin dara sheshim qabyldaýǵa týra keletin sát bolady.
Mundai kezde táýekel eń joǵary deńgeige jetedi: ońailyqpen avantiýrist, diletant nemese tipti «esi aýysqan» degen ataqqa iliný múmkin. Sondyqtan kóptegenkóshbasshylar kútý taktikasyn tańdaidy – syrttai baqylap, oqiǵanyń órbýin ańdyp, keiin jeńimpaz jaqqa qosylyp, ózin-ózi madaqtaýǵa baǵyttalǵan nasihatty bastap ketý.
Ortalyq Aziiada bul minez-qulyq modeli jaqsy qalyptasqan jáne, ókinishke qarai, keide jeke basqa tabyný kýltin qalyptastyrý quralyna ainalyp jatady.
Al Avraam kelisimderi – erekshe jaǵdai. Donald Tramptyń alǵashqy prezidenttikkezeńinde usynylǵan bul bastama uzaq ýaqyt boiy kásibi diplomatiialyq ortada da keńinen tanymal bola qoiǵan joq.
Bul «modaly» nemese birden túsinikti joba bolǵan joq. Osy tusta dúnietanymynúnemi keńeitip otyratyn, jan-jaqty bilimge ie memleket basshysy men keńesshilerinińpikirine tolyqtai táýeldi, madaq pen jaǵympazdyqqa toly jaily álemde ómir súretinjoǵary laýazymdy tulǵanyń arasyndaǵy aiyrmashylyq aiqyn kórinedi.
Bul aiyrmashylyq halyqaralyq qatynastardyń tereń mánin, onyń órkeniettikodaqtar, biregeilik jáne uzaqmerzimdi álemdik tártip týraly irgeli túsiniktergenegizdelgenin bilý deńgeiinde jatyr.
Sondyqtan da Prezident óziniń sońǵy sózinde, bir qaraǵanda tym batyl kórinetinsheshiminiń logikasyn túsindirý úshin adamzattyń eń kóne tarihyna qysqasha bolsa da toqtalýdy jón sanady. Ol ózi basqaryp otyrǵan memleketti ázirge qupiiasy mol, biraqbolashaǵy zor halyqaralyq qatynastar júiesine – Avraam (Ibrahim) kelisimderi depatalatyn jańa formatqa alyp kelýdi kózdeitinin meńzedi.
Álemdik saiasat tarihy kórsetkendei, strategiialyq serpilisterdiń basym bóligiqabyldanǵan sátinde oǵash ári qaýipti bolyp kórinedi. Alaida dál osyndai sheshimderbolashaqty ondaǵan jyldarǵa alǵa aiqyndaidy.
