Qazaqstan 29 naýryzǵa deiin avtomobil jáne temir jol kóligimen benzin men dizel otynyn tasýǵa tyiym saldy. Osy sipatta Energetika ministrligi, UQK, Qarjy ministrligi jáne IIM-niń birlesken buiryǵy ázirlendi, dep jazady Dalanews.kz.
Janar-jaǵarmaidy Qazaqstan Respýblikasynyń aýmaǵynan úshinshi elderge, sonyń ishinde Eýraziialyq ekonomikalyq odaqqa múshe memleketterge de tasýǵa tyiym salynady.
Qazaqstan Respýblikasy Úkimetiniń sheshimi boiynsha 2024 jyldyń 29 qyrkúiegi men 2025 jyldyń 29 naýryzy aralyǵynda gýmanitarlyq kómek sheńberinde QR úkimetiniń sheshimimen bólinetin munai ónimderiniń jekelegen túrlerin, mailaýǵa arnalǵan mailardy, zaýyttan jasalyp shyqqan avtomobil kólik quraldary toly baktaryndaǵy, ǵylymi-zertteý jumystaryn júrgizýge arnalǵan aviatsiialyq otyndardy esepke almaǵanda janar-jaǵarmai, dizel otynyn jáne munai ónimderiniń jekelegen túrlerin avtomobil kóligimen syrtqa tasýǵa tyiym salynady
"Munai ónimderiniń jekelegen túrleriniń óndirisi men ainalymyn memlekettik retteý týraly" Qazaqstan Respýblikasy Zańynyń 18-babynyń 7-tarmaǵy boiynsha bekitiletin jetkizilim josparlaryna sáikes benzindi, sondai-aq zilzalalardyń, tabiǵi apattardyń saldaryn joiý maqsatynda gýmanitarlyq kómek jáne (nemese) kórsetiletin kómek kórsetý sheńberinde bosatylatyn munai ónimderin qospaǵanda, 2025 jylǵy 1 aqpannan 2025 jylǵy 29 naýryzǵa deiingi kezeńde EAEO SEQ TN 2710 12 kodtary bar munai ónimderin temir jol kóligimen tasýǵa tyiym salynady.
Buǵan deiin janar-jaǵarmai baǵasy aqpannan bastap jailap qymbattatyla bastaitatyny habarlanǵan. Sondai-aq saitymyzda "Benzin men dizel otyny qymbattaǵaly jatyr. Sarapshylar muny nege jaqsylyqqa balaidy" degen maqala jariialanǵan bolatyn.
