Búgin Jenevada ótken álemdik tsifrlyq sammitte – WSIS+20 forýmynyń aiasynda Qazaqstannyń jobasy WSIS Prizes 2025 halyqaralyq baiqaýynda birinshi oryn aldy, – dep habarlaidy Dalanews.kz.
Bul týraly DSU jáne halyqaralyq ekonomikalyq uiymdar janyndaǵy turaqty ókili Qairat Tórebaev jazdy.
Nagradany Halyqaralyq elektr bailanysy odaǵynyń (MSE) basshysy Dorin Bogdan-Martin ózi tabystady. Saltanatty rásimge túrli elder men halyqaralyq uiymdardyń ókilderi qatysty.
Baiqaý barysynda daýys berýge álem boiynsha 2 millionnan astam adam qatysqan, al finalda qazaqstandyq joba 4 básekelesin basyp ozdy. Jeńis syilyǵyn Halyqaralyq elektr bailanysy odaǵynyń bas hatshysy Dorin Bogdan-Martin tabystady. Saltanatty is-sharaǵa múshe memleketter men halyqaralyq uiymdardyń ókilderi qatysty.
SAK degenimiz ne? SAK – Qazaqstan Respýblikasy Prezidenti isteri basqarmasynyń injenerlik-tehnikalyq ortalyǵy ázirlegen innovatsiialyq tsifrlyq júie. Ol elimiz boiynsha:
500-den astam kórsetkishti naqty ýaqyt rejiminde qadaǵalap otyrady
Aimaqtyq jáne ulttyq deńgeide strategiialyq sheshim qabyldaýǵa kómektesedi
Prezident ákimshiligi men Ister basqarmasynda sátti qoldanylyp jatyr.
Aita keteiik, WSIS Prizes baiqaýynda Qazaqstan sońǵy ret 2013 jyly da jeńiske jetken.
Jobany ázirleýshilerdiń aitýynsha, bul – eldiń tehnologiialyq damý deńgeiiniń halyqaralyq moiyndalýy jáne tsifrlyq quraldardyń memlekettik basqarýdaǵy naqty nátijeli quralǵa ainalǵanynyń dáleli.
