بۇگىن جەنيەۆادا وتكەن الەمدىك سيفرلىق سامميتتە – WSIS+20 فورۋمىنىڭ اياسىندا قازاقستاننىڭ جوباسى WSIS Prizes 2025 حالىقارالىق بايقاۋىندا ءبىرىنشى ورىن الدى، – دەپ حابارلايدى Dalanews.kz.
بۇل تۋرالى دسۇ جانە حالىقارالىق ەكونوميكالىق ۇيىمدار جانىنداعى تۇراقتى وكىلى قايرات تورەبايەۆ جازدى.
ناگرادانى حالىقارالىق ەلەكتر بايلانىسى وداعىنىڭ (مسە) باسشىسى دورين بوگدان-مارتين ءوزى تابىستادى. سالتاناتتى راسىمگە ءتۇرلى ەلدەر مەن حالىقارالىق ۇيىمداردىڭ وكىلدەرى قاتىستى.
بايقاۋ بارىسىندا داۋىس بەرۋگە الەم بويىنشا 2 ميلليوننان استام ادام قاتىسقان، ال فينالدا قازاقستاندىق جوبا 4 باسەكەلەسىن باسىپ وزدى. جەڭىس سىيلىعىن حالىقارالىق ەلەكتر بايلانىسى وداعىنىڭ باس حاتشىسى دورين بوگدان-مارتين تابىستادى. سالتاناتتى ءىس-شاراعا مۇشە مەملەكەتتەر مەن حالىقارالىق ۇيىمداردىڭ وكىلدەرى قاتىستى.
ساك دەگەنىمىز نە؟ ساك – قازاقستان رەسپۋبليكاسى پرەزيدەنتى ىستەرى باسقارماسىنىڭ ينجەنەرلىك-تەحنيكالىق ورتالىعى ازىرلەگەن يننوۆاسيالىق سيفرلىق جۇيە. ول ەلىمىز بويىنشا:
500-دەن استام كورسەتكىشتى ناقتى ۋاقىت رەجيمىندە قاداعالاپ وتىرادى
ايماقتىق جانە ۇلتتىق دەڭگەيدە ستراتەگيالىق شەشىم قابىلداۋعا كومەكتەسەدى
پرەزيدەنت اكىمشىلىگى مەن ىستەر باسقارماسىندا ءساتتى قولدانىلىپ جاتىر.
ايتا كەتەيىك، WSIS Prizes بايقاۋىندا قازاقستان سوڭعى رەت 2013 جىلى دا جەڭىسكە جەتكەن.
جوبانى ازىرلەۋشىلەردىڭ ايتۋىنشا، بۇل – ەلدىڭ تەحنولوگيالىق دامۋ دەڭگەيىنىڭ حالىقارالىق مويىندالۋى جانە سيفرلىق قۇرالداردىڭ مەملەكەتتىك باسقارۋداعى ناقتى ناتيجەلى قۇرالعا اينالعانىنىڭ دالەلى.
