Qazaqstan sheteldik investorlar úshin eń qaýipsiz elder reitinginde óz pozitsiiasyn aitarlyqtai jaqsartyp, Ortalyq Aziiadaǵy kóshbasshylyq ornyn saqtap qaldy, dep habarlaidy dalanews.kz.
Safest Countries for Investors 2026 reitinginiń mamyr aiyndaǵy nátijesine sáikes, Qazaqstan 150 eldiń ishinde 53-orynǵa kóterildi. Bul 2025 jylǵy qazan aiyndaǵy kórsetkishten 17 satyǵa joǵary. Ol kezde elimiz 70-orynda bolǵan.
Reiting investitsiia kólemin emes, eldegi investitsiialardyń qaýipsizdigin baǵalaidy. Sarapshylar makroekonomikalyq turaqtylyqty, memlekettik basqarý sapasyn, saiasi jáne valiýtalyq táýekelderdi, retteýshi ortanyń tiimdiligin, sondai-aq ekonomikanyń syrtqy daǵdarystarǵa tótep berý qabiletin eskeredi.
Sarapshylardyń pikirinshe, Qazaqstannyń kórsetkishiniń jaqsarýy halyqaralyq investorlardyń el ekonomikasyna jáne memlekettik institýttardyń turaqtylyǵyna degen seniminiń artqanyn bildiredi. Sonymen qatar respýblika Ortalyq Aziia elderiniń barlyǵyn jáne ekonomikasy aýqymdy birqatar memleketterdi artta qaldyrǵan.
Mamandar Qazaqstannyń investitsiialyq tartymdylyǵyn odan ári arttyrý úshin memlekettik institýttardyń tiimdiligin kúsheitý, investorlardyń quqyqtaryn qorǵaý tetikterin jetildirý jáne biznesti júrgizýdiń ashyq ári túsinikti sharttaryn qamtamasyz etý mańyzdy ekenin atap ótti.
Sarapshylardyń aitýynsha, osy baǵyttaǵy oń ózgerister saqtalsa, Qazaqstan halyqaralyq reitingterdegi ornyn jaqsartyp qana qoimai, sheteldik kapitaldyń senimin nyǵaityp, turaqty ekonomikalyq ósimge qosymsha serpin bere alady.
