Eýropalyq Konventsiia Eýropa Keńesine múshe 46 memleketti, sondai-aq uiymǵa kirmeitin tórt eldi – Izrail, Ońtústik Koreia, Mońǵoliia jáne Chilidi biriktiredi. Qazaqstannyń osy tetikke qosylýy eldiń halyqaralyq quqyqtyq standarttarǵa beiildiligin rastaidy jáne onyń qylmysqa qarsy jahandyq kúrestegi rólin kúsheitedi.
Konventsiiaǵa qosylý álemdik qoǵamdastyqtyń Qazaqstannyń demokratiialyq institýttar men quqyq ústemdigin nyǵaitýdaǵy eleýli progresin moiyndaýyn, sondai-aq elimizdiń halyqaralyq bedeliniń ósýin aiqyn kórsetedi. Mundai mańyzdy qadam Memleket basshysy bastaǵan dáiekti jáne aýqymdy saiasi reformalardyń arqasynda múmkin boldy.
Qazaqstan Eýropa Keńesimen jáne onyń qurylymdarymen 1997 jyldan beri yntymaqtasyp keledi. Qazaqstan Eýropa Keńesi músheleriniń qataryna kirmese de, QR ishinara jáne keńeitilgen kelisimder arqyly uiymmen áriptestikti belsendi damytýda. Bul mehanizm EO-ǵa múshe emes memleketter men Halyqaralyq uiymdarǵa Eýropa elderimen birlesip ózara múddeliliktiń mańyzdy máselelerimen jumys isteýge múmkindik beredi.
Quqyq ústemdigin ilgeriletýdiń mańyzdylyǵyn moiyndai otyryp, Qazaqstan Qylmystyq salany qosa alǵanda, Eýropa Keńesiniń birqatar konventsiialaryna qosylý jónindegi kúsh-jigerdi qoldaidy. Bul sheshim - QR-nyń álemdik quqyqtyq keńistikke kirigýindegi kezekti qadam, bul ulttyq ádiletke degen senimniń artýyna yqpal etedi jáne azamattar men biznestiń múddelerin qorǵaýdyń qosymsha kepildikterin jasaidy.
