ەۋروپالىق كونۆەنسيا ەۋروپا كەڭەسىنە مۇشە 46 مەملەكەتتى، سونداي-اق ۇيىمعا كىرمەيتىن ءتورت ەلدى – يزرايل، وڭتۇستىك كورەيا، موڭعوليا جانە ءچيليدى بىرىكتىرەدى. قازاقستاننىڭ وسى تەتىككە قوسىلۋى ەلدىڭ حالىقارالىق قۇقىقتىق ستاندارتتارعا بەيىلدىلىگىن راستايدى جانە ونىڭ قىلمىسقا قارسى جاھاندىق كۇرەستەگى ءرولىن كۇشەيتەدى.
كونۆەنسياعا قوسىلۋ الەمدىك قوعامداستىقتىڭ قازاقستاننىڭ دەموكراتيالىق ينستيتۋتتار مەن قۇقىق ۇستەمدىگىن نىعايتۋداعى ەلەۋلى پروگرەسىن مويىنداۋىن، سونداي-اق ەلىمىزدىڭ حالىقارالىق بەدەلىنىڭ ءوسۋىن ايقىن كورسەتەدى. مۇنداي ماڭىزدى قادام مەملەكەت باسشىسى باستاعان دايەكتى جانە اۋقىمدى ساياسي رەفورمالاردىڭ ارقاسىندا مۇمكىن بولدى.
قازاقستان ەۋروپا كەڭەسىمەن جانە ونىڭ قۇرىلىمدارىمەن 1997 جىلدان بەرى ىنتىماقتاسىپ كەلەدى. قازاقستان ەۋروپا كەڭەسى مۇشەلەرىنىڭ قاتارىنا كىرمەسە دە، ق ر ءىشىنارا جانە كەڭەيتىلگەن كەلىسىمدەر ارقىلى ۇيىممەن ارىپتەستىكتى بەلسەندى دامىتۋدا. بۇل مەحانيزم ەو-عا مۇشە ەمەس مەملەكەتتەر مەن حالىقارالىق ۇيىمدارعا ەۋروپا ەلدەرىمەن بىرلەسىپ ءوزارا مۇددەلىلىكتىڭ ماڭىزدى ماسەلەلەرىمەن جۇمىس ىستەۋگە مۇمكىندىك بەرەدى.
قۇقىق ۇستەمدىگىن ىلگەرىلەتۋدىڭ ماڭىزدىلىعىن مويىنداي وتىرىپ، قازاقستان قىلمىستىق سالانى قوسا العاندا، ەۋروپا كەڭەسىنىڭ ءبىرقاتار كونۆەنسيالارىنا قوسىلۋ جونىندەگى كۇش-جىگەردى قولدايدى. بۇل شەشىم - قر-نىڭ الەمدىك قۇقىقتىق كەڭىستىككە كىرىگۋىندەگى كەزەكتى قادام، بۇل ۇلتتىق ادىلەتكە دەگەن سەنىمنىڭ ارتۋىنا ىقپال ەتەدى جانە ازاماتتار مەن بيزنەستىڭ مۇددەلەرىن قورعاۋدىڭ قوسىمشا كەپىلدىكتەرىن جاسايدى.
