11-16 شٸلدە ارالىعىندا الماتى قالاسىندا جول اپاتتارىنىڭ الدىن الۋ, جول قوزعالىسىنا قاتىسۋشىلاردىڭ قۇقىقتىق مەدەنيەتٸن ارتتىرۋ جەنە قوعامدىق قاۋٸپسٸزدٸكتٸ قامتاماسىز ەتۋ ماقساتىندا رەسپۋبليكالىق "قاۋٸپسٸز جول" جەدەل پروفيلاكتيكالىق ٸس-شاراسى ٶتٸپ جاتىر, دەپ حابارلايدى dalanews.kz.
التى كٷنگە سوزىلاتىن ٸس-شارا بارىسىندا پوليتسييا قىزمەتكەرلەرٸ كٷشەيتٸلگەن رەجيمدە قىزمەت اتقارىپ, جول جٷرٸسٸ قاعيدالارىن ٶرەسكەل بۇزۋ دەرەكتەرٸن انىقتاۋعا ەرەكشە نازار اۋدارادى.
ماس كٷيٸندە كٶلٸك باسقارۋ, قارسى قوزعالىس جولاعىنا شىعۋ, بەلگٸلەنگەن جىلدامدىقتى اسىرۋ, قاۋٸپسٸزدٸك بەلدٸگٸن تاقپاۋ, جاياۋ جٷرگٸنشٸلەردٸڭ جول قوزعالىسى قاعيدالارىن بۇزۋى, سونداي-اق, قوعامدىق كٶلٸك, موتوتسيكل جەنە موپەد جٷرگٸزۋشٸلەرٸ تاراپىنان جاسالاتىن قۇقىقبۇزۋشىلىقتار قاتاڭ باقىلاۋعا الىنادى.
"جولداعى قاۋٸپسٸزدٸك ەربٸر جول قوزعالىسىنا قاتىسۋشىنىڭ جاۋاپكەرشٸلٸگٸنەن باستالادى. بٸزدٸڭ باستى مٸندەتٸمٸز - قۇقىقبۇزۋشىلىقتاردى انىقتاپ قانا قويماي, قايعىلى وقيعالاردىڭ الدىن الىپ, ادام ٶمٸرٸن ساقتاپ قالۋ. جٷرگٸزۋشٸلەر مەن جاياۋ جٷرگٸنشٸلەردٸ جول جٷرٸسٸ قاعيدالارىن قاتاڭ ساقتاۋعا شاقىرامىز", – دەدٸ الماتى قالاسى پوليتسييا دەپارتامەنتٸ ەكٸمشٸلٸك پوليتسييا باسقارماسىنىڭ باستىعى ەبدٸنۇر تاسىباەۆ.
