Qazaqstan Eýropa emes
Májilis depýtattarynyń aldynda baiandama jasaǵan Ishki ister ministri aiyppul kóleminiń artýy jol erejesin buzýshylardyń azaiýyna alyp kelgenin maqtanyshpen aitty.
– Aiyppul – bul jazalaýdyń bir túri. Biz onyń kólemin tártip buzýshynyń qaltasyna qarap belgilemeýimiz kerek. Negizgi printsip – tártip buzbaý, jol erejesin saqtaý. Men bir nárseni aitqym keledi, bizdiń osy baǵytta qolǵa alǵan sharalarymyz jol kólik oqiǵalarynyń azaiýyna alyp keldi. Úsh jyl qatarynan jol apattarynyń sany azaiyp keledi. Meniń oiymsha, bul halyqaralyq tájiribe. Kóp aqsha tólegisi kelmese erejeni buzbasyn. Biz onyń qaltasyna qaramaýymyz kerek, kerisinshe ol zańǵa qaraýy tiis. Sondyqtan, zań ýaqytyl qabyldandy jáne nátijesin berdi dep esepteimiz, –deidi Q.Qasymov óz baiandamasynda.
Al, Tinikeev bolsa Qazaqstan men Eýropa elderin salystyrýǵa bolmaitynyn, eldegi turǵyndardyń jalaqysynyń tómen ekenin tilge tiek etti.
– Turǵyndardyń jalaqysy 50 myń teńge bolǵan kezde aiyppul kólemi qalaisha 90 myń teńgeni quraýy kerek? Aiyppul kólemin arttyrǵanǵa qýanyp jatqandar úshin men uialamyn. Sizder Eýropany mysalǵa alyp otyrsyzdar, Eýropanyń qai elinde jol politsiia qyzmetkeri taldyń artynda tyǵylyp turady? Usaq zańsyzdyqty kórse ol baryp jai eskertý jasaidy. Al, bizde aýladan endi shyǵyp, kóliginiń shamyn jaǵýdy umytyp ketkenderge jai eskertý jasaýdyń ornyna aiamai aiyppul tóletedi. Sizder aldyn alý kereksizder jazalai bermei, – dep depýtat Tinikeev narazylyǵyn bildirdi.
Derekkózi: sn.kz
