قازاقستان ەۋروپا ەمەس
مەجٸلٸس دەپۋتاتتارىنىڭ الدىندا بايانداما جاساعان ٸشكٸ ٸستەر مينيسترٸ ايىپپۇل كٶلەمٸنٸڭ ارتۋى جول ەرەجەسٸن بۇزۋشىلاردىڭ ازايۋىنا الىپ كەلگەنٸن ماقتانىشپەن ايتتى.
– ايىپپۇل – بۇل جازالاۋدىڭ بٸر تٷرٸ. بٸز ونىڭ كٶلەمٸن تەرتٸپ بۇزۋشىنىڭ قالتاسىنا قاراپ بەلگٸلەمەۋٸمٸز كەرەك. نەگٸزگٸ پرينتسيپ – تەرتٸپ بۇزباۋ, جول ەرەجەسٸن ساقتاۋ. مەن بٸر نەرسەنٸ ايتقىم كەلەدٸ, بٸزدٸڭ وسى باعىتتا قولعا العان شارالارىمىز جول كٶلٸك وقيعالارىنىڭ ازايۋىنا الىپ كەلدٸ. ٷش جىل قاتارىنان جول اپاتتارىنىڭ سانى ازايىپ كەلەدٸ. مەنٸڭ ويىمشا, بۇل حالىقارالىق تەجٸريبە. كٶپ اقشا تٶلەگٸسٸ كەلمەسە ەرەجەنٸ بۇزباسىن. بٸز ونىڭ قالتاسىنا قاراماۋىمىز كەرەك, كەرٸسٸنشە ول زاڭعا قاراۋى تيٸس. سوندىقتان, زاڭ ۋاقىتىل قابىلداندى جەنە نەتيجەسٸن بەردٸ دەپ ەسەپتەيمٸز, –دەيدٸ ق.قاسىموۆ ٶز بايانداماسىندا.
ال, تٸنٸكەەۆ بولسا قازاقستان مەن ەۋروپا ەلدەرٸن سالىستىرۋعا بولمايتىنىن, ەلدەگٸ تۇرعىنداردىڭ جالاقىسىنىڭ تٶمەن ەكەنٸن تٸلگە تيەك ەتتٸ.
– تۇرعىنداردىڭ جالاقىسى 50 مىڭ تەڭگە بولعان كەزدە ايىپپۇل كٶلەمٸ قالايشا 90 مىڭ تەڭگەنٸ قۇراۋى كەرەك? ايىپپۇل كٶلەمٸن ارتتىرعانعا قۋانىپ جاتقاندار ٷشٸن مەن ۇيالامىن. سٸزدەر ەۋروپانى مىسالعا الىپ وتىرسىزدار, ەۋروپانىڭ قاي ەلٸندە جول پوليتسييا قىزمەتكەرٸ تالدىڭ ارتىندا تىعىلىپ تۇرادى? ۇساق زاڭسىزدىقتى كٶرسە ول بارىپ جاي ەسكەرتۋ جاسايدى. ال, بٸزدە اۋلادان ەندٸ شىعىپ, كٶلٸگٸنٸڭ شامىن جاعۋدى ۇمىتىپ كەتكەندەرگە جاي ەسكەرتۋ جاساۋدىڭ ورنىنا اياماي ايىپپۇل تٶلەتەدٸ. سٸزدەر الدىن الۋ كەرەكسٸزدەر جازالاي بەرمەي, – دەپ دەپۋتات تٸنٸكەەۆ نارازىلىعىن بٸلدٸردٸ.
دەرەككٶزٸ: sn.kz
