Qazaqstan Eýraziialyq ekonomikalyq odaqqa (EAEO) múshe elder arasynda resmi tirkelgen jumyssyzdar sany boiynsha birinshi orynǵa shyqty, dep habarlaidy Dalanews.kz "Ordaǵa" siltep.
2025 jylǵy aqpandaǵy derekterge sáikes:
EAEO elderinde jalpy 704,9 myń adam resmi túrde jumyssyz retinde tirkelgen.
Onyń ishinde 333,1 myńy — Qazaqstanda, iaǵni jumyssyzdardyń jartysyna jýyǵy bizdiń elge tiesili.
Qalǵan elderdegi kórsetkishter:
Resei – 283 myń
Qyrǵyzstan – 48,4 myń
Armeniia – 37,1 myń
Belarýs – 3,3 myń
EEK málimetinshe, 2024 jyldyń basynda Qazaqstanda jumyssyzdar sany 306,1 myń bolǵan. Bir jyl ishinde bul kórsetkish artyp, 333,1 myń adamǵa jetken — bul 0,3% ósim.
Aita ketý kerek, qalǵan EAEO elderinde jumyssyzdyq tómendegen, sonyń ishinde Reseide de. Ótken jyly Resei jumyssyzdar sany boiynsha kósh bastaǵan bolatyn — 406,3 myń adam, alaida biyl bul kórsetkish aitarlyqtai azaiǵan.
Jalpy, odaqqa múshe elderde resmi jumyssyzdyq deńgeii 14,8%-ǵa tómendegen. Biraq bul oń dinamikaǵa Qazaqstan kirmei otyr — elde kerisinshe, kórsetkish ósip otyr.
