قازاقستان ەۋرازييالىق ەكونوميكالىق وداققا (ەاەو) مٷشە ەلدەر اراسىندا رەسمي تٸركەلگەن جۇمىسسىزدار سانى بويىنشا بٸرٸنشٸ ورىنعا شىقتى, دەپ حابارلايدى Dalanews.kz "ورداعا" سٸلتەپ.
2025 جىلعى اقپانداعى دەرەكتەرگە سەيكەس:
ەاەو ەلدەرٸندە جالپى 704,9 مىڭ ادام رەسمي تٷردە جۇمىسسىز رەتٸندە تٸركەلگەن.
ونىڭ ٸشٸندە 333,1 مىڭى — قازاقستاندا, ياعني جۇمىسسىزداردىڭ جارتىسىنا جۋىعى بٸزدٸڭ ەلگە تيەسٸلٸ.
قالعان ەلدەردەگٸ كٶرسەتكٸشتەر:
رەسەي – 283 مىڭ
قىرعىزستان – 48,4 مىڭ
ارمەنييا – 37,1 مىڭ
بەلارۋس – 3,3 مىڭ
ەەك مەلٸمەتٸنشە, 2024 جىلدىڭ باسىندا قازاقستاندا جۇمىسسىزدار سانى 306,1 مىڭ بولعان. بٸر جىل ٸشٸندە بۇل كٶرسەتكٸش ارتىپ, 333,1 مىڭ ادامعا جەتكەن — بۇل 0,3% ٶسٸم.
ايتا كەتۋ كەرەك, قالعان ەاەو ەلدەرٸندە جۇمىسسىزدىق تٶمەندەگەن, سونىڭ ٸشٸندە رەسەيدە دە. ٶتكەن جىلى رەسەي جۇمىسسىزدار سانى بويىنشا كٶش باستاعان بولاتىن — 406,3 مىڭ ادام, الايدا بيىل بۇل كٶرسەتكٸش ايتارلىقتاي ازايعان.
جالپى, وداققا مٷشە ەلدەردە رەسمي جۇمىسسىزدىق دەڭگەيٸ 14,8%-عا تٶمەندەگەن. بٸراق بۇل وڭ ديناميكاعا قازاقستان كٸرمەي وتىر — ەلدە كەرٸسٸنشە, كٶرسەتكٸش ٶسٸپ وتىر.
