Jańa ǵimarattyń dizainy Halyqaralyq kórme biýrosynyń tvitterinde jariialandy.
"Mańdaishasynda arab jáne aǵylshyn tilinde Qazaqstan dep jazylǵan pavilonǵa keletinder eldiń geografiialyq ornalasýy men qarqyndy damýynan habar beretin málimetter, tarihi jáne mádeni ekspozitsiialarymen tanysa alady.
Tórt birdei kórme alańynan turatyn pavilonda budan bólek interaktivti shoý alańy jáne ǵylymi ortalyq ta ornasalady" - delingen Tvitterdegi habarlamada.
Pavilonǵa bas suqqan biznes ókilderi bizdiń eldiń tranzittik áleýeti, tsifrlandyrý, indýstriialandyrý, adami kapitalǵa kóńil bólý jáne qorshaǵan ortaǵa qatysty jobalarymen jaqyn tanysa alady.
Osynda ornalasqan zerthanada eldiń ǵylym salasyndaǵy jetistigi kórsetilip, interaktiv alańda adam men jasandy intellektiń arasyndaǵy bailanys týraly baiandaityn derekti filmdi tamashalaýǵa bolady.
Sonstructionweekonline.com saitynyń habarlaýynsha ǵimaratty jobalaýǵa Niderlandynyń NLME Consultants kompaniiasy járdemdesken. Atalǵan kompaniia bizdiń elden bólek Germaniia, Monako, Avstriia pavilonynyń dizainyn ázirlegen.
Budan buryn Ulttyq ekonomika ministri Rýslan Dálenov Dýbaida ótetin EKSPO kórmesine qatysýǵa bólingen qarajatqa qatysty pikir bildirgen.
– Bul shyǵyndardyń tiimdiligi, bizge ne beretini men elge qanshalyqty investitsiia tarta alatyny komissiiada qaralady. Eger komissiia bul shyǵyndardyń tiimsiz bolatynyn dáleldep jatsa, durys sheshim qabyldanady.
Jalpy, biz endi árbir forýmǵa bólinetin aqshanyń tiimdiligin qarastyratyn bolamyz, – degen edi Dálenov.
Onyń sózinshe, Dýbaidaǵy EKSPO 2020 kórmesine Qazaqstannyń qatysýy qanshalyqty tiimdi ekenin saýda ministrligi dáleldeýi tiis.
Onyń aldynda Qarjy ministri Álihan Smaiylov Dýbaida ótetin EKSPO kórmesine qatysýǵa 22 mln dollar jumsalatynyn aitqan.
Ministr atap ótkendei, Qazaqstan úkimeti 2025 jylǵa qarai sheteldik tikelei investitsiia kólemin 34 mlrd dollarǵa jetkizý mindetin ózine júktep otyr. 2019 jyly onyń kólemi 24 mlrd dollardy qurapty.
“Biz taǵy 10 mlrd dollar investitsiia tartqymyz keledi. Ol úshin bizge 2020 jyldyń 20 qazanynan bastap 2021 jyldyń 10 sáýirine deiin jarty jyl boiy Dýbaida ótetin EKSPO kórmesine qatysý kerek.
“Múmkindikter” degen tehnologiialyq klaster aiasynda “Qazaqstan” degen pavilon bolady, oǵan álemniń ár túkpirinen investorlar keledi.
Pavilondaǵy ýaqytsha qurylystar úshin 8,8 milliard teńge nemese 22 million dollar bólingen”, – degen edi Smaiylov.
Onyń sózinshe, eger sheteldik investorlar “Qazaqstan” degen pavilondy kórgen soń elge qosymsha sheteldik investitsiialar kelse, bul bólingen aqshamyz áli eselep qaitady, ashylatyn jańa óndirister, jumys oryndary men salyq esebinen Qazaqstan utady.
“Qazaqstan úshin ol kórmege qatysý óte mańyzdy, sol úshin oǵan aqsha bólindi”, – deidi Smaiylov.
Ol aitqandai, bul pavilon – ulttyq, sondyqtan oǵan ketetin aqsha respýblika biýdjetinen bólindi.
Aita ketelik Dýbaidaǵy EKSPO kórmesi osy jyldyń 20 qazanynda bastalyp keler jyldyń 10-shy sáýirine deiin jalǵasady.
https://twitter.com/bieparis/status/1240210238734827522
