Búgin Senatta sóilegen sózinde Premer-ministrdiń orynbasary Serik Jumanǵarin úkimettiń bizneske sýbsidiia berý tetigin kezeń-kezeńimen toqtatatynyn málimdedi, dep habarlaidy Dalanews.kz.
Tek shaǵyn bizneske jáne sýbsidiia alyp otyrǵan kásipkerlerge ǵana qoldaý saqtalady.
"Sýbsidiialaý mehanizminen birtindep bas tartamyz. Bul tetik tek shaǵyn biznes pen qazirgi ýaqytta sýbsidiia alyp otyrǵandar úshin ǵana qalady", – dedi Jumanǵarin.
Onyń aitýynsha, qazirgi tańda sýbsidiialar tek 200 mln teńgeden aspaityn jobalarǵa – iaǵni shaǵyn biznes ókilderine ǵana qoldanylady. Sonymen qatar úkimet «Báiterek» holdingin 1 trln teńgege kapitaldandyryp, holdingtiń qarjy institýttary beretin nesieler úshin biryńǵai mólsherlemeni 12,6% deńgeiinde bekitken.
Sonymen qatar, eki kepildik qory qurylǵan. Vitse-premerdiń aitýynsha, kepildik berý arqyly qarjylandyrý – sýbsidiialaýǵa qaraǵanda infliatsiialyq qysymdy az týdyrady. Al «Damý» baǵdarlamasy aiasyndaǵy sońǵy sýbsidiialar 2035 jylǵa deiin berilmek.
