بۇگىن سەناتتا سويلەگەن سوزىندە پرەمەر-مينيستردىڭ ورىنباسارى سەرىك جۇمانعارين ۇكىمەتتىڭ بيزنەسكە سۋبسيديا بەرۋ تەتىگىن كەزەڭ-كەزەڭىمەن توقتاتاتىنىن مالىمدەدى، دەپ حابارلايدى Dalanews.kz.
تەك شاعىن بيزنەسكە جانە سۋبسيديا الىپ وتىرعان كاسىپكەرلەرگە عانا قولداۋ ساقتالادى.
"سۋبسيديالاۋ مەحانيزمىنەن بىرتىندەپ باس تارتامىز. بۇل تەتىك تەك شاعىن بيزنەس پەن قازىرگى ۋاقىتتا سۋبسيديا الىپ وتىرعاندار ءۇشىن عانا قالادى"، – دەدى جۇمانعارين.
ونىڭ ايتۋىنشا، قازىرگى تاڭدا سۋبسيديالار تەك 200 ملن تەڭگەدەن اسپايتىن جوبالارعا – ياعني شاعىن بيزنەس وكىلدەرىنە عانا قولدانىلادى. سونىمەن قاتار ۇكىمەت «بايتەرەك» حولدينگىن 1 ترلن تەڭگەگە كاپيتالداندىرىپ، حولدينگتىڭ قارجى ينستيتۋتتارى بەرەتىن نەسيەلەر ءۇشىن ءبىرىڭعاي مولشەرلەمەنى 12،6% دەڭگەيىندە بەكىتكەن.
سونىمەن قاتار، ەكى كەپىلدىك قورى قۇرىلعان. ۆيسە-پرەمەردىڭ ايتۋىنشا، كەپىلدىك بەرۋ ارقىلى قارجىلاندىرۋ – سۋبسيديالاۋعا قاراعاندا ينفلياسيالىق قىسىمدى از تۋدىرادى. ال «دامۋ» باعدارلاماسى اياسىنداعى سوڭعى سۋبسيديالار 2035 جىلعا دەيىن بەرىلمەك.
