Almaty qalasynda jalǵan memlekettik tirkeý nómirlik belgilerin (MTNB) zańsyz daiyndap, satýmen ainalysqan kúdikti ustaldy. Bul týraly Bas kólik prokýratýrasy habarlady, dep habarlaidy dalanews.kz.
Vedomstvonyń málimetinshe, zańsyz shemanyń joly Bas kólik prokýratýrasynyń úilestirýimen Kóliktegi politsiia departamenti júrgizgen jedel-izdestirý sharalary barysynda kesilgen.
Tergeý derekterine sáikes, kúdikti jalǵan memlekettik nómirlerdi Resei Federatsiiasynan ekspress-jetkizý qyzmetteri arqyly aldyryp, keiin Qazaqstannyń ártúrli óńirlerindegi tapsyrys berýshilerge jóneltip otyrǵan.
Jalǵan nómirler tárkilendi
Jedel sharalar kezinde jalǵan memlekettik tirkeý nómirlik belgileri men iske qatysty ózge de zattai dáleldemeler tárkilendi.
Qazirgi ýaqytta quqyq qorǵaý organdary qylmysqa qatysy bolýy múmkin basqa tulǵalardy anyqtaý baǵytynda tergeý jáne jedel-izdestirý jumystaryn jalǵastyryp jatyr.
Prokýratýra eskertý jasady
Bas kólik prokýratýrasy jalǵan memlekettik tirkeý nómirlik belgilerin paidalaný qylmystyq jaýaptylyqqa ákep soǵatynyn eske saldy.
«Mundai quqyq buzýshylyqtar jol qozǵalysy qaýipsizdigine tikelei qaýip tóndiredi», – dep atap ótti vedomstvo.
Qazaqstan Respýblikasy Qylmystyq-protsestik kodeksiniń 201-babyna sáikes, tergeý múddesine bailanysty ózge aqparat jariialanbaidy.
