2025 jyly Qazaqstannyń syrtqy saýda ainalymy 143,9 mlrd dollardy qurap, 2024 jylmen salystyrǵanda nominaldy túrde 1,3%-ǵa ósti. Onyń ishinde eksport kólemi 79 mlrd dollar bolyp, 3,2%-ǵa tómendedi. Al import 64,8 mlrd dollarǵa jetip, 7,4%-ǵa artqan, dep habarlaidy Dalanews.kz.
Eksportta burynǵydai munai men shikizat negizgi tabys kózi bolyp otyr. El eksporttaityn óniminiń jartysynan kóbi, iaǵni 50,5%-y shiki munai men munai ónimderi. Budan keiin radioaktivti himiialyq elementter men izotoptar (5,3%), tazartylǵan mys pen mys qorytpalary (5,2%), mys kenderi men kontsentrattary (3,6%) jáne ferroqorytpalar (2,6%) kiredi.
Qazaqstan ónimderin eń kóp satyp alatyn elderdiń qatarynda Italiia (19,8%) kósh bastap tur. Odan keiin Qytai (19,2%), Resei (10,3%), Niderlandy (7,6%), Túrkiia (4,9%) jáne Ózbekstan (4,5%).
Importqa kelsek, Qazaqstan shetelden eń kóp ákeletin taýar - jeńil avtokólikter. Olar jalpy importtyń 4,4%-yn quraidy. Budan keiin dári-dármek (2,8%) jáne uialy telefondar (2,4%) keledi. Sondai-aq avtokólik kýzovtary (2,3%) men kólik bólshekteri (2,2%) de importta mańyzdy oryn alady.
Qazaqstanǵa taýar jetkizetin negizgi elder qatarynda Resei (29,7%) men Qytai (29,2%) alda keledi. Sonymen birge Germaniia (4,8%), Ońtústik Koreia (3,5%), AQSh (3,3%) jáne Frantsiia (2,4%) da mańyzdy seriktester qatarynda.
