Qyzylorda oblysynyń Jańaqorǵan aýdany Shalqiia kentinde «Liaoning Hongda Group» kompaniiasy «Býrabai-Jalǵyzaǵash» taý-ken baiytý kombinatynyń qurylysy resmi túrde bastaldy. Oǵan oblys ákimi Murat Ergeshbaev, «Liaoning Hongda Group» kompaniiasynyń bas direktory Tan Tsziýgan qatysty, dep habarlaidy dalanews.kz.
Rásimde aimaq basshysy aýdan turǵyndaryn quttyqtap, jańa óndiris orny óńir ekonomikasyna tyń serpin beretinin atap ótti.
«Kombinat qurylysynyń bastalýy – Syr óńiri úshin tarihi oqiǵa. Bul – oblysymyzdyń indýstriialyq damýyna jańa serpin, ekonomikany ártaraptandyrýǵa jáne jańa jumys oryndaryn ashýǵa mol múmkindik beretin iri investitsiialyq joba. Osyndai aýqymdy ári zamanaýi jobany aimaǵymyzda júzege asyrǵan «Liaoning Hongda Group» kompaniiasyna zor rizashylyǵymdy bildiremin. Memleket basshysy Qasym-Jomart Kemeluly elimizdi jańa investitsiialyq tsiklge kóshirý, zamanaýi óndiristerdi iske qosý jáne óńirlerdiń ekonomikalyq áleýetin tiimdi paidalanýdy tapsyrǵan bolatyn. Búgingi taý-ken baiytý kombinaty – osy aýqymdy jumystardyń asa mańyzdy bóligi. Qurylysyna 138 mlrd teńge qaralǵan joba tolyq iske qosylǵanda jylyna 210 myń tonna qorǵasyn-myrysh shikizatyn jáne 20 tonna kúmis óndirý josparlanýda. Eń bastysy, 550-den astam jańa jumys orny ashylady.
Búgin bastalyp jatqan qurylys sátti aiaqtalyp, merziminde iske qosylyp, el igiligine qyzmet etetinine senemin», – dedi Murat Nálqojauly.
Sharada kompaniia direktory Tan Tsziýchan, el aǵasy Izadilla Nárzildaev sóz sóiledi.
Taý-ken baiytý kombinatyn aldaǵy eki jyl ishinde salyp, 2028 jyly tolyq aiaqtaý josparlanǵan. Qazirgi ýaqytta ken ornynyń mineraldyq-shikizat bazasyn keńeitý maqsatynda burǵylaý jumystary júrgizilýde.
Sondai-aq óndiristik joldar salý da qolǵa alynyp, qurylys alańdary anyqtaldy. Budan bólek, elektr jelilerine qosylýǵa joba-smetalyq qujattama ázirlendi. Qazirgi ýaqytta nysandy elektr qýatymen qamtamasyz etý jáne elektr jelilerine qosý mejelengen.
Aita keteiik, keiingi jyldary Syr óńirinde jańa óndiris oryndarynyń negizi qalanyp, iri jobalar júzege asýda. Jańaqorǵan aýdanynda úsh jylda 6,7 mlrd teńgeden astam qarjyǵa 9 investitsiialyq joba iske qosyldy. Biyl 3 joba kózdelse, onyń ekeýi el igiligine ainaldy. Aldaǵy úsh jylda oblystyń ónerkásip salasynda 1,9 trillion teńgege 48 investitsiialyq jobany júzege asyrý josparlanǵan. Nátijesinde 10 myńnan astam jańa jumys orny qurylady.
