Mas kúiinde kólik quralyn qaita basqarǵan júrgizýshi ómir boiyna kólik basqarý quqyǵynan aiyrylyp, bir jylǵa bas bostandyǵynan aiyryldy, dep habarlaidy dalanews.kz.
Aqmola oblysynyń turǵyny buǵan deiin bir jyl merzimge kólik quraldaryn basqarý quqyǵynan aiyrylǵanyna qaramastan, qaitadan alkogoldik masań kúide kólik quralynyń tizginine otyrǵan.
Sotta ol buǵan deiin kóp mólsherde ulttyq sýsyn qymyz ishkenin túsindirgen. Memlekettik aiyptaýshy sotta sottalýshynyń kinásin dáleldeitin barlyq dáleldemelerdi usyndy.
Sottalýshynyń kinásin moiyndaǵanyn jáne onyń jas balalary bar ekenin eskere otyryp, sot úkimimen oǵan 1 jyl merzimge bas bostandyǵynan aiyrý jazasy taǵaiyndalyp, kólik quraldaryn basqarý quqyǵynan ómir boiyna aiyryldy. Sot úkimi zańdy kúshine endi.
Astana qalasynyń prokýratýrasy kólik quralyn masań kúide basqarmaýǵa shaqyrady, óitkeni mundai áreket azamattardyń ómiri men densaýlyǵyna naqty qaýip tóndirip, qatań jaýaptylyqqa ákep soǵady.
