Qazaqstannyń tólem júieleri, ekinshi deńgeili bankter men tólem júiesiniń ózge de qatysýshylary tólem habarlamalarynyń halyqaralyq ISO 20022 standartyna sátti kóshirildi. Bul týraly búgin, 2025 jyly 16 qańtarda Ulttyq Bank málimdedi, dep jazady Dalanews.kz.
"Ulttyq Bank Qazaqstannyń tólem júieleri, ekinshi deńgeili bankter men tólem júiesiniń ózge de qatysýshylary tólem habarlamalarynyń halyqaralyq ISO 20022 standartyna sátti kóshirilgenin habarlaidy", delingen retteýshi organ habarlamasynda.
Jańa standartty eskere otyryp jańǵyrtylǵan tólem júieleri men bankterdiń aqparattyq júieleri 2025 jylǵy 13 qańtardan bastap jańa formatta iske qosyldy.
"Bankter klientterdiń tólem tapsyrmalaryn aqparattyq júielerdiń jumys kestesine sáikes ádettegi rejimde, esh shekteýsiz jáne kidirissiz qabyldap jatyr", - deidi Ulttyq Bank.
Qazaqstan Ortalyq Aziia elderi arasynda alǵashqylardyń biri bolyp halyqaralyq standartty paidalanatyn memleketterdiń qataryna kirdi. Endi Eýropalyq Odaq pen Ońtústik-Shyǵys Aziia elderimen birge transshekaralyq tólemderdi jeńildetip, halyqaralyq saýda-sattyqtyń damýyna yqpal etedi.
ISO 20022 standartynyń engizilýi qarjy institýttary men klient (tutynýshy) arasyndaǵy ózara árekettesýdiń tiimdiligin arttyryp qana qoimai, qarjy naryǵyndaǵy tehnologiialyq ózgeristerge biryńǵai erejeler men rásimder negizinde tez beiimdelýge múmkindik beredi.
