2024 jyldyń qańtar-qarasha aılarynda Qazaqstan shetelge 9,8 myń tonna balmuzdaq ónimderin jetkizgen, bul - 2023 jyldyń sáıkes kezeńimen salystyrǵanda 70%-ǵa (!) artyq kórsetkish, dep jazady Dalanews.kz.

Birinshi kredıttik búro málimetinshe, qazirgi kórsetkish 2002 jyldan bergi qoljetimdi statısıkadaǵy eń joǵarysy.

Eksporttyń barlyǵy derligi úsh elge tıesili: Reseı (69%), Qyrǵyzstan (20%) jáne Ózbekstan (9%). Atalǵan úsh elde Qazaqstannan balmuzdaqtar satyp alý kólemin ulǵaıtqan eń eleýli ósim Reseı Federasıasynda tirkeldi (eki esege jýyq).

"Óndiris azdap azaıǵanymen eksport kólemi ósti. 2024 jyldyń qańtar-qarasha aılarynda jalpy kólem 49,4 myń tonnaǵa jetti, bul ótken jyldyń sáıkes kezeńimen salystyrǵanda 3% az. Bul rette ımport kólemi de shamamen birdeı qarqynmen 12,5 tonnaǵa deıin qysqardy. Nátıjesinde osy 11 aıda ishki naryqta bir jyl burynǵymen salystyrǵanda balmuzdaq 10% azaıdy", delingen DATA HUB habarlamasynda.

Buǵan deıin qazaqstandyq İT-qyzmetter eksportynyń kólemi 470 mln dollardan asqanyn jazǵanbyz.