Smadiiarov osy sipatta birneshe jaǵdai tirkelgenin rastady.
"Biz ár jaǵdaidy tarazyǵa salyp, zerdeleimiz. Konsýldyq konsýltatsiialar dereý shaqyryldy. Bizdiń konsýldyq qyzmet departamentiniń ókilderi Grýziia tarapymen kelissózder júrgizý úshin sol jaqqa ushyp ketti. Olar óz elderiniń qaýipsizdigin qamtamasyz etip jatqanyn, árine, keibir máseleler boiynsha talaptar týyndaitynyn aityp, jaýap berdi. Múmkin, osyndai qarbalas kezeńge bizdiń týrister, jalpy Grýziiaǵa barǵan Qazaqstan azamattary tap kelgen bolar. Biraq, budan bylai olar sheteldik týristerdi birinshi bolyp qarsy alatyn shekara jáne keden qyzmetiniń ókilderimen muqiiat áńgime júrgizýge ýáde berdi", - dedi ol.
Onyń aitýynsha, Grýziia tarapymen ózara túsinistikke qol jetkizilgen.
"Bul rette tómendeý turǵysynda protsess júrip jatyr. Eger deportatsiialanǵan basqa elderdiń azamattarymen salystyratyn bolsaq, onda Qazaqstanda óte tómen paiyz", – dep atap ótti resmi ókil.
Degenmen Grýziia parlamenti sheteldikterdiń elde bolý erejelerin qatańdatqan jańa zańdar paketin ázirlep jatqanyn eske sala keteiik.
"Grýzin armany" partiiasynyń atqarýshy hatshysy Mamýka Mdinaradzeniń aitýynsha, Qylmystyq kodekske shet memlekettiń azamatyn Grýziiadan shyǵarý jáne elge belgili bir merzimge kirýge tyiym salý túrinde jańa jaza qosylǵan.
Sondai-aq, Mdinaradzeniń aitýynsha, Grýziia aýmaǵynda bolý erejelerin buzǵan shet memleketterdiń azamattaryna qatysty aiyppuldardyń mólsheri de ulǵaitylmaq jáne el aýmaǵynda zańsyz júrgen shet memleketterdiń azamattaryn shyǵarý rásimi aitarlyqtai jeńildetiledi.
Sondyqtan quzyrly ministrlik shetelge saparlaýshy el azamattaryna ózge eldiń zańdaryna baǵynýdy, ony buzbaýdy eske salady.
