سمادياروۆ وسى سيپاتتا بىرنەشە جاعداي تىركەلگەنىن راستادى.
"ءبىز ءار جاعدايدى تارازىعا سالىپ، زەردەلەيمىز. كونسۋلدىق كونسۋلتاسيالار دەرەۋ شاقىرىلدى. ءبىزدىڭ كونسۋلدىق قىزمەت دەپارتامەنتىنىڭ وكىلدەرى گرۋزيا تاراپىمەن كەلىسسوزدەر جۇرگىزۋ ءۇشىن سول جاققا ۇشىپ كەتتى. ولار ءوز ەلدەرىنىڭ قاۋىپسىزدىگىن قامتاماسىز ەتىپ جاتقانىن، ارينە، كەيبىر ماسەلەلەر بويىنشا تالاپتار تۋىندايتىنىن ايتىپ، جاۋاپ بەردى. مۇمكىن، وسىنداي قاربالاس كەزەڭگە ءبىزدىڭ تۋريستەر، جالپى گرۋزياعا بارعان قازاقستان ازاماتتارى تاپ كەلگەن بولار. ءبىراق، بۇدان بىلاي ولار شەتەلدىك تۋريستەردى ءبىرىنشى بولىپ قارسى الاتىن شەكارا جانە كەدەن قىزمەتىنىڭ وكىلدەرىمەن مۇقيات اڭگىمە جۇرگىزۋگە ۋادە بەردى"، - دەدى ول.
ونىڭ ايتۋىنشا، گرۋزيا تاراپىمەن ءوزارا تۇسىنىستىككە قول جەتكىزىلگەن.
"بۇل رەتتە تومەندەۋ تۇرعىسىندا پروسەسس ءجۇرىپ جاتىر. ەگەر دەپورتاسيالانعان باسقا ەلدەردىڭ ازاماتتارىمەن سالىستىراتىن بولساق، وندا قازاقستاندا وتە تومەن پايىز"، – دەپ اتاپ ءوتتى رەسمي وكىل.
دەگەنمەن گرۋزيا پارلامەنتى شەتەلدىكتەردىڭ ەلدە بولۋ ەرەجەلەرىن قاتاڭداتقان جاڭا زاڭدار پاكەتىن ازىرلەپ جاتقانىن ەسكە سالا كەتەيىك.
"گرۋزين ارمانى" پارتياسىنىڭ اتقارۋشى حاتشىسى مامۋكا مدينارادزەنىڭ ايتۋىنشا، قىلمىستىق كودەكسكە شەت مەملەكەتتىڭ ازاماتىن گرۋزيادان شىعارۋ جانە ەلگە بەلگىلى ءبىر مەرزىمگە كىرۋگە تىيىم سالۋ تۇرىندە جاڭا جازا قوسىلعان.
سونداي-اق، مدينارادزەنىڭ ايتۋىنشا، گرۋزيا اۋماعىندا بولۋ ەرەجەلەرىن بۇزعان شەت مەملەكەتتەردىڭ ازاماتتارىنا قاتىستى ايىپپۇلداردىڭ مولشەرى دە ۇلعايتىلماق جانە ەل اۋماعىندا زاڭسىز جۇرگەن شەت مەملەكەتتەردىڭ ازاماتتارىن شىعارۋ ءراسىمى ايتارلىقتاي جەڭىلدەتىلەدى.
سوندىقتان قۇزىرلى مينيسترلىك شەتەلگە ساپارلاۋشى ەل ازاماتتارىنا وزگە ەلدىڭ زاڭدارىنا باعىنۋدى، ونى بۇزباۋدى ەسكە سالادى.
