Senator Nurtóre Júsip áýe keńistigin paidalanýdan túsken tabystyń belgili bir bóligin Qazaqstan aviatsiiasyn damytýǵa baǵyttaý qajet ekenin aitty, dep habarlaidy Dalanews.kz.
“Qazaqstannyń Azamattyq aviatsiia akademiiasyna arnaiy aerodrom salý kerek. Bul jańa jobalardy júzege asyryp, oqý bazasyn keńeitip, zamanaýi jattyǵý quraldarymen jabdyqtaýǵa múmkindik beredi. Ol úshin maqsatty qarjylandyrýdy engizý qajet dep esepteimin. Buryn osyndai tájiribe bolǵan. Mysaly, biz jer qoinaýyn paidalanýshylardy óz shyǵyndarynyń 1%-yn ǵylymi-zertteý jumystaryna bólýge mindettegen edik”, – dedi senator.
Onyń aitýynsha, bul tájiribeni aviatsiiany damytý úshin de qoldanýǵa bolady, iaǵni áýe keńistigin paidalanýdan túsken kiristerdiń bir bóligin osy maqsatqa bólý qajet.
Senator aviatsiia salasynyń básekege qabilettigin arttyrý úshin innovatsiialardy engizý mańyzdy ekenin de atap ótti.
