سەناتور نۇرتورە ءجۇسىپ اۋە كەڭىستىگىن پايدالانۋدان تۇسكەن تابىستىڭ بەلگىلى ءبىر بولىگىن قازاقستان اۆياسياسىن دامىتۋعا باعىتتاۋ قاجەت ەكەنىن ايتتى، دەپ حابارلايدى Dalanews.kz.
“قازاقستاننىڭ ازاماتتىق اۆياسيا اكادەمياسىنا ارنايى اەرودروم سالۋ كەرەك. بۇل جاڭا جوبالاردى جۇزەگە اسىرىپ، وقۋ بازاسىن كەڭەيتىپ، زاماناۋي جاتتىعۋ قۇرالدارىمەن جابدىقتاۋعا مۇمكىندىك بەرەدى. ول ءۇشىن ماقساتتى قارجىلاندىرۋدى ەنگىزۋ قاجەت دەپ ەسەپتەيمىن. بۇرىن وسىنداي تاجىريبە بولعان. مىسالى، ءبىز جەر قويناۋىن پايدالانۋشىلاردى ءوز شىعىندارىنىڭ 1%-ىن عىلىمي-زەرتتەۋ جۇمىستارىنا بولۋگە مىندەتتەگەن ەدىك”، – دەدى سەناتور.
ونىڭ ايتۋىنشا، بۇل تاجىريبەنى اۆياسيانى دامىتۋ ءۇشىن دە قولدانۋعا بولادى، ياعني اۋە كەڭىستىگىن پايدالانۋدان تۇسكەن كىرىستەردىڭ ءبىر بولىگىن وسى ماقساتقا ءبولۋ قاجەت.
سەناتور اۆياسيا سالاسىنىڭ باسەكەگە قابىلەتتىگىن ارتتىرۋ ءۇشىن يننوۆاسيالاردى ەنگىزۋ ماڭىزدى ەكەنىن دە اتاپ ءوتتى.
