21 qańtardan bastap AQSh Qazaqstan azamattaryna, sondai-aq taǵy 74 eldiń azamattaryna immigratsiialyq vizalar berýdi ýaqytsha toqtatty, dep habarlaidy Dalanews.kz.
Buǵan «qoǵamǵa salmaq salýy múmkin ótinish berýshilerdiń elge kirýiniń aldyn alý» sebep bolǵan. Bul shekteýler belgisiz merzimge engizildi, dep túsindirdi QR Syrtqy ister ministriniń orynbasary Álibek Baqaev.
Onyń aitýynsha, stýdenttik, týristik, iskerlik jáne meditsinalyq vizalar burynǵydai berilip jatyr.
Qazaqstannyń Syrtqy ister ministrligi immigratsiialyq vizalardy qaita jandandyrý máselesi boiynsha AQSh-pen kelissóz júrgizip otyrǵan joq. Vedomstvo bul úshinshi memlekettiń ishki sheshimi ekenin atap ótti.
Baqaev sondai-aq qazaqstandyqtar úshin AQSh-qa týristik vizalardy alý jeńildetilgen tártippen júzege asyrylyp jatqanyn aitty. Sonymen qatar qazir SIM Eýroodaq elderimen vizalyq rejimdi jeńildetý baǵytynda belsendi jumys júrgizip jatyr.
Kelissózderdiń ekinshi kezeńi aqpan aiynda bastalmaq.
