AQSh-tyń qosymsha kedendik baj engizý týraly sheshimine bailanysty QR Saýda jáne integratsiia ministrligi málimdeme jasady, dep habarlaidy dalanews.kz.
2026 jyldyń 23 shildesinde AQSh 1974 jylǵy Saýda týraly zańnyń 301-bólimi aiasynda júrgizilgen tergeý qorytyndysy boiynsha túpkilikti sheshim qabyldady.
2026 jyldyń 24 shildesinen bastap Qazaqstanda óndirilgen jekelegen taýarlarǵa 12,5% mólsherinde qosymsha kedendik baj engiziledi. Bul shara AQSh Saýda ókildigi bekitken erekshe taýarlar tizbesine engizilgen taýarlarǵa qoldanylmaidy.
Buǵan deiin qoldanylyp kelgen 10% mólsherindegi ýaqytsha importtyq ústeme belgilengen 150 kúndik merzimniń aiaqtalýyna bailanysty óz kúshin joidy. Osyǵan bailanysty burynǵy ústeme jańa kedendik bajǵa qosylmaidy.
Qazaqstan Respýblikasy Saýda jáne integratsiia ministrliginiń esepteýlerine sáikes, Qazaqstannyń AQSh-qa eksporttalatyn ónimderiniń shamamen 95%-yna qosymsha kedendik baj burynǵydai qoldanylmaidy.
QR Saýda jáne integratsiia ministrligi qazaqstandyq eksporttaýshylardyń múddelerin qorǵaý jáne ózara tiimdi sheshimderge qol jetkizý maqsatynda AQSh tarapymen ózara is-qimyldy jalǵastyryp keledi.
