Qazaqstan altyn satyp alý kólemi boiynsha álemde kósh bastady, dep habarlaidy Dalanews.kz.
World Gold Council (WGC) derekterine sáikes, tamyz aiynda álemniń ortalyq bankteri jalpy kólemi 15 tonna altyn satyp alǵan. Sonyń ishinde eń iri úles Qazaqstan Ulttyq bankine tiesili. Onyń mólsheri 8 tonnany quraidy.
Al qalǵan kólem Ózbekstan, Túrkiia, Qytai, Chehiia, Gana jáne Bolgariia siiaqty memleketterdiń árqaisysy 2 tonnadan altyn satyp alǵan.
Jyl basynan beri elimizdiń altyn-valiýta qory 32 tonnaǵa ulǵaiyp, jalpy kólemi 316 tonnaǵa jetti. Bul kórsetkish Qazaqstannyń altyn qoryn turaqty túrde arttyryp kele jatqanyn jáne álemdik naryqtaǵy senimdi oiynshy ekenin kórsetedi.
Eske salaiyq, buǵan deiin Qazaqstan altyn óndirý boiynsha 14-orynda turǵany týraly jazǵan edik.
World Gold Council derekterine sáikes, 2024 jyldyń qorytyndysy boiynsha álemde 3,7 myń tonna altyn óndirilgen, bul - ótken jylmen salystyrǵanda 0,6%-ǵa ǵana artyq kólem. Onyń 10,4% nemese 380,2 tonnany quraityn Qytai altyn óndirisinde kósh bastap tur. Qazaqstan bolsa, 14-shi orynda.
Altyn óndirisi boiynsha álemdik ondyq qataryna mynalar kiredi:
- Qytai (380,2 tonna),
- Resei(330tonna),
- Avstraliia(284tonna),
- Kanada (202,1 tonna),
- AQSh(158tonna),
- Gana (140,6 tonna),
- Meksika(140,3tonna),
- Indoneziia(140,1tonna),
- Perý (136,9 tonna),
- Ózbekstan (129,1 tonna).
World Gold Council aqparaty boiynsha, óndiris kólemi 87 tonnany qamtityn Qazaqstan 14-orynda eken.
Bul arada atalǵan uiym altyn kenderiniń nemese jartylai fabrikattardyń massasy emes, tazartylǵan altynǵa múmkindiginshe jaqyn, óńdeýden keiingi metall týraly aityp otyr.
"Bir qyzyǵy,QR Ulttyq statistika biýrosynyń derekterine sáikes,2024 jyly Qazaqstanda World Gold Council sarapshylarynyń pikirine qaraǵanda tazartylǵan altyn aitarlyqtai az óndirilgen: nebári 72,1 tonna ( bir jyl burynǵyǵa qaraǵanda 1,5%-ǵa artyq). TMD memleketteri arasynda óndirilgen altyn kólemi boiynsha Qazaqstan úzdik ondyqqa engen Resei men Ózbekstanǵa jol berip, 23,6 tonna baǵaly metall shyǵarǵan Qyrǵyzstandy basyp ozady. TMD-nyń basqa elderine 14,2 tonna tiesili, bul 2023 jyldaǵy kórsetkishten 11,9%-ǵa nedáýir az.Qazaqstan men Qyrǵyzstanda,World Gold Council málimetterine sáikes, altyn óndirisi de tómendegen: tiisinshe 1,3% jáne 7,5%. Resei men Ózbekstanda,kerisinshe, óndiris kólemi sáikesinshe 2,6%jáne7,9% ósti", - deidi mamandar.
Degenmen, AQSh Geologiialyq qyzmeti Qazaqstandy 130 tonna óndirgen altyn kólemi boiynsha úzdik ondyqqa engizgen. Jalpy, osy vedomstvonyń málimetinshe, álemde 3,3 myń tonna altyn óndirilip, Qytai (380 tonna), Resei (310 tonna), Avstraliia (290 tonna), Kanada (200 tonna) jáne AQSh (160 tonna) aldyna jan salmai keledi.
Sonymen qatar, Qazaqstan siiaqty 130 tonnadan altyn óndirgen Meksika men Gana da eshkimnen qalys qalmaýda. Ózbekstan da úzdik ondyqqa kirdi, bul rettegi kólem - 120 tonna.
