قازاقستان التىن ساتىپ الۋ كولەمى بويىنشا الەمدە كوش باستادى، دەپ حابارلايدى Dalanews.kz.
World Gold Council (WGC) دەرەكتەرىنە سايكەس، تامىز ايىندا الەمنىڭ ورتالىق بانكتەرى جالپى كولەمى 15 توننا التىن ساتىپ العان. سونىڭ ىشىندە ەڭ ءىرى ۇلەس قازاقستان ۇلتتىق بانكىنە تيەسىلى. ونىڭ مولشەرى 8 توننانى قۇرايدى.
ال قالعان كولەم وزبەكستان، تۇركيا، جۇڭگو، چەحيا، گانا جانە بولگاريا سياقتى مەملەكەتتەردىڭ ءارقايسىسى 2 توننادان التىن ساتىپ العان.
جىل باسىنان بەرى ەلىمىزدىڭ التىن-ۆاليۋتا قورى 32 تونناعا ۇلعايىپ، جالپى كولەمى 316 تونناعا جەتتى. بۇل كورسەتكىش قازاقستاننىڭ التىن قورىن تۇراقتى تۇردە ارتتىرىپ كەلە جاتقانىن جانە الەمدىك نارىقتاعى سەنىمدى ويىنشى ەكەنىن كورسەتەدى.
ەسكە سالايىق، بۇعان دەيىن قازاقستان التىن ءوندىرۋ بويىنشا 14-ورىندا تۇرعانى تۋرالى جازعان ەدىك.
World Gold Council دەرەكتەرىنە سايكەس، 2024 جىلدىڭ قورىتىندىسى بويىنشا الەمدە 3،7 مىڭ توننا التىن وندىرىلگەن، بۇل - وتكەن جىلمەن سالىستىرعاندا 0،6%-عا عانا ارتىق كولەم. ونىڭ 10،4% نەمەسە 380،2 توننانى قۇرايتىن جۇڭگو التىن وندىرىسىندە كوش باستاپ تۇر. قازاقستان بولسا، 14ء-شى ورىندا.
التىن ءوندىرىسى بويىنشا الەمدىك وندىق قاتارىنا مىنالار كىرەدى:
- جۇڭگو (380،2 توننا)،
- رەسەي(330توننا)،
- اۆستراليا(284توننا)،
- كانادا (202،1 توننا)،
- اقش(158توننا)،
- گانا (140،6 توننا)،
- مەكسيكا(140،3توننا)،
- يندونەزيا(140،1توننا)،
- پەرۋ (136،9 توننا)،
- وزبەكستان (129،1 توننا).
World Gold Council اقپاراتى بويىنشا، ءوندىرىس كولەمى 87 توننانى قامتيتىن قازاقستان 14-ورىندا ەكەن.
بۇل ارادا اتالعان ۇيىم التىن كەندەرىنىڭ نەمەسە جارتىلاي فابريكاتتاردىڭ ماسساسى ەمەس، تازارتىلعان التىنعا مۇمكىندىگىنشە جاقىن، وڭدەۋدەن كەيىنگى مەتالل تۋرالى ايتىپ وتىر.
"ءبىر قىزىعى،ق ر ۇلتتىق ستاتيستيكا بيۋروسىنىڭ دەرەكتەرىنە سايكەس،2024 جىلى قازاقستاندا World Gold Council ساراپشىلارىنىڭ پىكىرىنە قاراعاندا تازارتىلعان التىن ايتارلىقتاي از وندىرىلگەن: نەبارى 72،1 توننا ( ءبىر جىل بۇرىنعىعا قاراعاندا 1،5%-عا ارتىق). تمد مەملەكەتتەرى اراسىندا وندىرىلگەن التىن كولەمى بويىنشا قازاقستان ۇزدىك وندىققا ەنگەن رەسەي مەن وزبەكستانعا جول بەرىپ، 23،6 توننا باعالى مەتالل شىعارعان قىرعىزستاندى باسىپ وزادى. تمد-نىڭ باسقا ەلدەرىنە 14،2 توننا تيەسىلى، بۇل 2023 جىلداعى كورسەتكىشتەن 11،9%-عا نەداۋىر از.قازاقستان مەن قىرعىزستاندا،World Gold Council مالىمەتتەرىنە سايكەس، التىن ءوندىرىسى دە تومەندەگەن: تيىسىنشە 1،3% جانە 7،5%. رەسەي مەن وزبەكستاندا،كەرىسىنشە، ءوندىرىس كولەمى سايكەسىنشە 2،6%جانە7،9% ءوستى"، - دەيدى ماماندار.
دەگەنمەن، اقش گەولوگيالىق قىزمەتى قازاقستاندى 130 توننا وندىرگەن التىن كولەمى بويىنشا ۇزدىك وندىققا ەنگىزگەن. جالپى، وسى ۆەدومستۆونىڭ مالىمەتىنشە، الەمدە 3،3 مىڭ توننا التىن ءوندىرىلىپ، جۇڭگو (380 توننا)، رەسەي (310 توننا)، اۆستراليا (290 توننا)، كانادا (200 توننا) جانە اقش (160 توننا) الدىنا جان سالماي كەلەدى.
سونىمەن قاتار، قازاقستان سياقتى 130 توننادان التىن وندىرگەن مەكسيكا مەن گانا دا ەشكىمنەن قالىس قالماۋدا. وزبەكستان دا ۇزدىك وندىققا كىردى، بۇل رەتتەگى كولەم - 120 توننا.
