Internetti jii óshirip, shyǵynǵa batatyn elderdiń kóshin irgemizdegi kórshimiz Resei bastap tur.
Orystar 2022 jyly interentti óshirip 21,59 mlrd dollaryn joǵaltqany málim boldy. Resei Ýkramnaǵa soǵys ashqan kúnnen beri internetti óshirip, aqparatty baqylaýǵa alýda.
Al ekinshi orynda diktatorlyq rejim saltanat qurǵan Iran turaqtapty. Resmi Tegeran internetti jii óshirip, 773 mln dollar shyǵyn shekken.
Al úshinshi orynǵa jaiǵasqan Qazaqstan internetti óshirýdiń saldarynan 410,3 mln dollardyń basyna sý quiǵany málim boldy.
Byltyr Qańtar oqiǵasy kezinde bilik eldegi qaýipsizdikti qamtamasyz etý úshin ǵalamtordy óshirýge májbúr bolǵany belgili.
Qazaqstanda internetti óshirý kezinde 16 millionnan astam 144 saǵat boiy internetke qol jetkize almai qinalǵan.
Elimiz 2019 jyly internetti óshirip, 2,6 mln dollar shyǵyn shekken edi. Ol kezde Qazaqstan internet óshirgish elderdiń arasynda 18-shi orynǵa taban tirgen-di.
Nazarbaev rejimi memleketti tyǵyryqqa tirep, elimizde saiasi ahýal kúrdelengeli beri Qazaqstan internetti jii óshiretin elderdiń qataryna qosylǵan bolatyn.
Endi biyldan bastap bul tizimge enbeimiz degen úmitimiz bar.
Aitpaqshy, internetti óshiretin elderdiń arasynda 2022 jyly Ózbekstan besinshi orynǵa jaiǵasyp, 219 mln dollarynan aiyrylypty. Byltyr Ózbekstanda qaraqalpaqtar kóterilgende ózbek aǵaiyndar biz sekildi amalsyz internetti óshirgen-di.
Budan basqa Ortalyq Aziia elderi arasynda internetti óshiretin elderdiń qatarynda Túrkimenstan (10 oryn, 29 mln dollar joǵaltqan) men Tájikstanda (19 oryn, 2,1 mln dollar joǵaltqan) tóbe kórsetti.
