Osy oraida búgin Premer-ministr Baqytjan Saǵyntaev Úkimet otyrysyn tek qazaq tilinde júrgizýge tyrysqanymen Aqmola oblysynyń ákimi Málik Myrzalin ǵana oryssha baiandama jasap, Bilim jáne ǵylym ministri Erlan Saǵadiev orys tilinde túsinikteme berdi, dep habarlaidy Baq.kz tilshisi.
Úkimettiń búgingi otyrysynda investitsiia tartý máselesi, orta bilim berý uiymdarynyń jańartylǵan mazmunǵa kóshýi, Aqtóbe aglomeratsiiasyn aýmaqtyq damytýdyń óńiraralyq shemasy qaraldy.
Investitsiialar jáne damý ministri Jeńis Qasymbek baiandamasyn tek memlekettik tilde jasasa, búgin ǵana sógisi alynyp tastalǵan Energetika ministrligi tek qazaqsha sóiledi. Aýyl sharýashylyǵy vitse-ministri Arman Evniev, «Báiterek» holdingi men «KazakhInvest» kompaniiasynyń basshylary da ministrlerdiń úrdisin jalǵastyrdy.
Aqmola oblysynyń ákimi Málik Myrzalin oryssha baiandama jasady.
Al Bilim jáne ǵylym ministri Erlan Saǵadiev bolsa baiandamasyn qazaq tilinde aityp, oryssha túsinikteme berdi. Otyrys aiaqtalǵan soń Úkimet kýlýarynda ministr kelesi joly tek 100% qazaq tilinde sóileýge ýáde etti.
«95 paiyz qazaqsha boldy, endi qazir onyń bárin jasap jatyrmyn. Keleside 100 paiyz qazaqsha, kelistik pe? Kelistik», - dedi ol.
Jýrnalister ministrden tek memlekettik tilde baiandama jasaý qiyn ba dep surady.
«Ol búgingi kúnnen bastalmaidy ǵoi. Keleside 100% qazaqsha bolady, kelistik pe?», - dedi ol.
Jýrnalister Ádilet ministri Marat Beketaevtan «qazaqshasynyń qalai» ekenin surady.
Ministr: «Ózderiń kórgendei úirenip jatyrmyn», - dep jaýap berdi.
